الهنوف

الهنوف

استعدي يا مضامين القصيده=واعزفي لحني على كل النشايد

دام دمي عاش في داخل وريده=با اتنقى من ثمينات القلايد

لجل اخلدها على اللي نور جيده=زي نور الصبح والا اقول زايد

الهنوف اللي مزاياها فريده=ويش اعدد ويش اخلي من فرايد

اشهد ان قلبي تزايد به وقيده=يوم فرقاها ودمع العين بايد

كن صوت الحزن نفذ بي وعيده=والعنا ركب على قلبي وسايد

صادر الوجدان ما عبا بريده=يوم همه ما حصر جوف الجرايد

يصفقه موج الهوا ويشد قيده=لين كبلها بصلفات الحدايد

بس لولا اللي ستر علة عبيده=كان شلينا الهوان بلا بنايد

ما على الدنيا ولا نفسٍ سعيده=وا عوين اللي تقيد بالعوايد

تجلبه دنياه للشر وتزيده=لين تدبل من على راسه نكايد

وا وجود اللي رحل من هو يريده=وابتدا لجله يغني بالقصايد

مثل وجد اللي تجنى في وليده=بالخطا والجرح ما له من ضمايد

يسكب الدمعات ويعزي حصيده=ويتمنى الموت وبليا فوايد

راح من ذا الكون والدنيا رصيده=عقب ما كان الهنا لرضاه جايد

او كما وجد الذي نفسه رغيده=والنسب مركوز في روس النوايد

ثم لقى بنته تدبر له مكيده=ضوة الخذلان وعلومه جدايد

او كما وجد الذي فارق عضيده=فالملمات القويات الشدايد

كل ذا من سبت الفرقى نعيده=للذي كفن خفوقي فالحايد

المصدر: الملتقى الجماهيري للشاعر محمد بن فطيس المري

صح لســآنك
ابدعت

/

رعاك الله

صح نبضك يالشريف،،

ابدعت وأجدت وأقنعت،،

وليس غريب على قريحتك...


تقبل مروري ،،

قصيدة من نصيب الابداع الااكبر وانت شاعر مبدع
بكل جزاله وروعه وجمال نعم آقف امام هذاالنص
احترام لكمال القصيدة ومتنفسها الجميل الاجمل
مع تحيات ابومشهور

ناصر الشريف شرف الله مقامك بعلا منازل الجنه
يوم الحساب انت شاعر غني عن التعريف وليس
حضوري هنا من اجل اقيمك بل الرد من خلال متصفحك
يزيدني شرف صح لسانك للابد تقبل تحيات وتقدير
اخوك سعيد القحطاني ولاهنت

عزي لحالي صح بدنش ولا هنتي على المرور الرائع

تقبلي تحياتي وخالص تقديري

الله الله

صح الساانك اخوي طرح في قمة الابدااع

ننتظر جديدك

الله الله

صح الساانك اخوي طرح في قمة الابدااع

ننتظر جديدك

جزل صح الله لسـانك

فهد الهباش صح بدنك والله لا يهينك

على المرور الرائع والجميل

تقبل تحياتي وخالص تقديري