احب ألوفا وارد للمحسنين حسان

احب ألوفا وارد للمحسنين حسان

بسم الله الرحمن الرحيم
إخواني والخوات منسوبي ملتقى الشاعر محمد
بن فطيس السلام عليكم اسمحولي اقدم هذاه الأبيات
المتواضعه كلي امل ان ترتقي الى مستوى معزتكم
عندي

هذاه ألقصيده لها قصه يوم من الايام اتصل بي الشاعر معجب شرعان
الصعران مطير وهو من الشعراء الذي اعتز في معرفتهم وصداقتهم
وللامانه كان اذا ضاق صدري أدق على هاتفه وانسى جميع همومي ولكن حسيت انه ليس على بعضه قلت معجب فيه شي تخفيه عني وقال ولا شي وبعد لحاح قال غازي بن حبشان يطلبك البيحه وهو من شيوخ الصعران والحقيقه ان غازي حبشان رحمة الله عليه من الرجال اللي لهم باع طويل بالفزعه والحميه والوقفات
اللي لايوقفها الا زحول الرجال وقبل وفاة غازي بسبوع توفا ابن عم لـــي يدعا جخدب الصياح وسبحان الله لايقل عن غازي بشي في كرمه ومواقفه المهم قال معجب خلاص وين نروح ياسعيد بعد وفاة غازي حبشان وجخدب الصياح وصراحه أثرت فيني كلمته بعد ماسكر معجب هاتفه دق علي قحطاني اسمه محمد
بلا ويلقبونه لويحان قال وش فيك تلفون مشغول قلت كان معي اتصال وعلمته ماذا قال المطيري قال اتصل في معجب وتعال انت وهو قلت معجب بحفر الباطن
قال يطلع طائره ويجي والله اذا مايجي انت وهو انها قطعة وجهي من وجهك المهم جانا معجب عند الصباح وللامانه أخذ علينا عهد ان لا نذكر مقامه معنا ولا مدته
المهم نروح ألقصيده والعذر على الاطاله



بديت القصيد وقلت بسم الله الرحمن
................الهي وانا عبده وذكر الله البادي


يبين المجامل في قصيدي وانا طربان
........ويبين الزعل لا صار ماوضعي بعادي

وانا جد مالاحيت ورقن على العيدان
..............الا شايف ان العلم ماهوب متقادي

هذا والله اللي بيح اسرار بن ريحان
.............ليا شان جوه والعرب جوهم هادي

حداني زماني مثل ماحد بن شرعان
................عسى الله لا يفرح علي كل نقادي

وعلي استحالت راحة البال والسلوان
........ولا ضاق صدري حاربت عيني رقادي

مثل ما ستحالت رجعة القدس والجولان
...........وقبلنا الهريمه وانهدم سور بغدادي

فلا ياوجودي وجد من واجه الديان
.......وحداه الزمان وشحت وجيه الاجوادي

ولاله رفيق مثل غازي ولد حبشان
..........ومثل جخدب الصياح خطلان الايادي

ما وقف بصفه لا رفيق ولا صدقان
............جفوه العرب لو كان من كلمة حيادي

ولكن قبلي قالها الهاجري سلطان
.............ترى عادة الدنيا تبي صبر وجهادي

وانا ماعلي لوشان وجه الزمن وان شان
................عزومي حديد وجال هداج ميرادي

ليا عدمت فالله يخلي لـــي لويحان
.............سناد الرفيق وسعد من حده الحادي

يفرج على المضهـود ويعشي الضيفان
..................وجنابه لربعه كنه المسك والكادي

ولاجار وزن الحمل يبرك له بليهان
..............لأمن الرخاوي جات عشراته احادي

على قمة العليا عزومه عزوم حصان
.....................ولولا عزومه ماتماديت بعنادي

يسر الصديق وهيبته ترهب العدوان
.......................يوقف لها لاهابها كل هربادي

على درب شيخان(ن)غزاء صيتهم لوطان
......وعلى منهج اهل الجود ماضين الامجادي

شيوخٍ على قحص الفلا تنطح الفرسان
............تصبح معاديها على روس الاشهادي

اقول الصحيح ومن يقول الصحيح معان
....................ولانيب اواطن كل ناكر وجحادي

احب ألوفا وارد للمحسنين حسان
..........................ولا قفو المقفين مانيب نشادي

المصدر: الملتقى الجماهيري للشاعر محمد بن فطيس المري

اقول الصحيح ومن يقول الصحيح معان
....................ولانيب اواطن كل ناكر وجحادي

احب ألوفا وارد للمحسنين حسان
..........................ولا قفو المقفين مانيب نشادي

لاهنت وصح لسانك

سعيد نجم المنتدى
بيض الله وجهك وسلمت يالنوماس
قصيده جزله سلمت من كل مكروه
ولاهنت واحلا تقييم+++++

يا هلا ومرحبا فيك يبو محمد ولا هنت وصح الله لسانك
جزل بمعنى الكلمة وشاعر موقف ما فيك حيلة
تقبل مروري +تقميمي

اقول الصحيح ومن يقول الصحيح معان
....................ولانيب اواطن كل ناكر وجحادي

احب ألوفا وارد للمحسنين حسان
..........................ولا قفو المقفين مانيب نشادي


صح لسآنك .. ورحم الله اموآتكم ..

والدنيا ماتخلو من اهل كرم وطيب .. وانت واحد منهم ياسعيد

صح لسآانك سعيد
والله يرحمهم ويغفر لهم يآااارب
قصيده رائعه بس ابيآتهآ تقطع القلب
الله يحفظك انت وصاحبك وجميع المسلمين

حضور راقي ي سعيد
صح الساااانك وصح كلك
مبدع برسمك وشعرك ونبضك ي القحطاني
صح لسانك وسلم بنانك
ودي و وردي وإحـتـرآمي

القحطاني

صح لسسانك ي حيي

قصيده جزله من شاعر جزل

بنتظار ابداعك

صح لسانك ويستاهل الطيب ذكره
الله يرحم من مات ويبقي الحي بخير
ويسعدكم ويرفع قدركم
تقبل تحياتي وتقديري
ترانيم

[font="comic sansصح الله لسانك يا أبو محمد .. ورحم الله من فقدتوا من غالين وذي عادة الدنيا ما تدوم إلا لباريها .. أما من ناحية الابيات فأنا شهادتي بحرفك سابقه وأنت منومسني ما تكتب يالامير ويزودني شرف معرفتك ولاهنت وتقبل مروري وتقييمي المتواضع ..ms"][/font]