ياحسافة خوتي معك يافلان .. درب المراجل منت كفوه وقده \\ جديد

ياحسافة خوتي معك يافلان .. درب المراجل منت كفوه وقده \\ جديد

السلام عليكم

تطاول احد الاصحاب على قبيلتي وهي فخر وعزة بالنسبة لي

فتم إلجامة بالدليل القاطع في حينها

وكتبت هذه الابيات لعلها تروق لكم

( حنا بني عاصم )


ياحسافة خوتي معك يافلان
درب المراجل منت كفوه وقده
لاصار هرجك ماله ايات ميزان
اعرج على منهو مثيلك وعده
لاصار هرجك دون دقة ونيشان
لارحم ابو جدة على جد جده
حنا بني عاصم عسى منت وهمان
حنا عوين الضد لاخاف ضده
لاصار ينخانا له الفوز عنوان
يرجع وهو منصور فوق الاشده
واللي نخانا شايل الضيم منهان
يرجع وضيمة لا لفى له نصده
نجلعه في دنياه مبسوط فرحان
واما حريبه وسم عاصم بخده
ولد العصيمي كنه الذيب سرحان
يبيح سدك بس ماباح سده
قطم المحازم شر للأنس والجان
يوم ان شرك مايحرك مخدة
بايق ومتغطرس وبك عرق خوان
مافيك خير بوقت رخوة وشده
مفهوم والا نثبت الهرج برهان
ونحد سيف ن جدنا فيك حده
قلته واقوله بعد ماخاطري زان
منته بكفو ن للغلا والمودة


وسلامتكم

انا لم اذكر قبيلة الشخص لآحترامي لها ولجميع القبائل

افتخر بمعرفتهم من شتى البقاع

تحياتي

المصدر: الملتقى الجماهيري للشاعر محمد بن فطيس المري

صح لسآنك رائد
ونعم والله ببني عآصم وعتيبه كلهآ بدون قصور بالقبايل~<
وعادتك الاحترآم والتقدير الله يحفظك يآرب

راىد العصيمي
صح لسانك قصيده كفو من شاعرٍ كفو ويقولون
العوارف مايسب الرجال الا ارذلهم واسمحلي
ياطويل العمر اعطيك واعطي القاري بعض سوالف
الرجال اللي ماتخفاك

يقول الدنان الرجباني الدوسري

عينت انا الذم مايهفي الاجاويد
والمدح مافاد في رخو الجناحي


اكتفي بهذا القدر ولا لك عايب يبن
عصام وربعك وقبيلتك معروفه
بافعالهم ومجادهم وحالهم حال القبايل
الاخرى وان خذو الزود ولا ماينقصون
عن الاخرين تقبل تحيات اخوك سعيد ولاهنت

ومن قال يسلم""
صح لسسانك ي الشيخ
والنعم ببني عاصم
لاعدمناك""

صح لسانك يارائد
والله وسبعة انعام ببني عاصم وبقبائل الهيلا كلهم
ولا على باقي القبائل زود ،،

اي والله الهافي هافي ، ولا يسب القبائل الا قليل عرف وهافي ،
لارحم ابو جد جده ،
كويته لبى قلبك ،
وصحت يمناك ، يالخوي

كفو ....
صح لسانك..

بيض الله وجهك يابن عاصم
يامزبنت الدخيل رحم الله واحداً جابك
تسلم يمناك ولاهنت وسلمت

كفو ي العصيمي
صح لسآآنك من العارض الئ الحره
تسلم ويسلم أحساسك..
دمت بــ خير وسعآآدهـ ..؛

صح لساااانك راائد قصيده جمييله

شااعر ماافيك حيله دائما مبدع

ومتألق يالغالي .. لك ودي ..

اقتباس صح لسآنك رائد ونعم والله ببني عآصم وعتيبه كلهآ بدون قصور بالقبايل~< وعادتك الاحترآم والتقدير الله يحفظك يآرب

صح بدنك

اشكرك