يا صــــاحبي لا تجــرح القــــلب بالحـــــيل

يا صــــاحبي لا تجــرح القــــلب بالحـــــيل

السلام عليكم ورحمة الله وبركاته

ابيات متواضعه عسى ان ترتقي الى أذواقكم


يا صاحبي لا تجرح القلب بالحيل
.................. إرحم رحمك اللي لخلقه رحومي

عامين أجاهد بين حزن وغــرابيل
.................. والصدر من زود المحبه كـتومي

راع الـــهوى ســـوات خيالة الليل
.................. ضاري على العزوه وفرك الخشومي

دايم يشيل الــود لإهل الغـــلا شيل
.................. نوبن يبي يجـــلس ونوبن يقـــومي

ووصاف خلي غطت الجدي وسهيل
.................. مثل القـــمر لا بان وســـط النجومي

ذبحــــتني يا بو عـيونن مكـــاحيل
.................. عقبك ترى ما طـــاب بالي ونـــومي

يالله طلبتك فالـــرجاء والتســاهيل
.................. تجبر عـــزى نفسن تلته الهمـــومي

ياما عليه إدمـــوع عيني هـــماليل
.................. وياما أجر الصوت فـــوق الرجومي

ذيبن قنب بعواه من عرض ما قيل
.................. حاديه من جـــوع الصلف والنقومي

بدون على طـــراف نجد المــداهيل
.................. بين الحـــماه وبين ضــلع البقــومي

ياوين أبلقا من يصون المـــراسيل
.................. اللي ليا جــــيته يــســـد اللــــزومي

يرسل له الحـاصل بجمله وتفصيل
.................. ويعلمه خــــافي حمايض عــــلومي


فهد ثامر المرزوقي

المصدر: الملتقى الجماهيري للشاعر محمد بن فطيس المري

فهد ثامر البقمي
كلمات رائعه ايها القدير
واحساس تعدي ان نكتب
لجمال قصيده طابع خاص
لانمر الالننظراروع شعر من عذب نهرك
يحق للقلم انحناءه لجمال ماتسطرمن شعورجميل
تقبل مروري لسموك وردوخزامي

ونعم يالمرزوقي ملايين

النص هذا لايكتبه الا فهد بن ثامر

شاعر نحت اسمها على صفحات هالصرح اللي زاده جمال ورونق

لله درك يالقرم ولا حرمنا نبض حرفك الجزل

ولا هوغريب الجمال منك فأنت كفو ونتوق لطرحك دائماً

لا خلينا منك ولا حرمنا مثلك وشرواك

تقبل تقديري ولا خلا ولا عدم

اخوك
أبومشاري

اخوي فهد




صح لسانك ياابن العم




شاعر مميز اتمنى لك التوووفيق





تحياتي وتقديري لشخصك الرائع

ضح لسانك فهد شاعر متمكن مايحتاج مني شهاده

.................. تجبر عـــزى نفسن تلته الهمـــومي

يبدولي ان هنا خطا مطبعي تريد قلبن اوحالن
النفس مؤنث ماتجي مع تلته الهمومي

عموماً وجهة نظر ومنك نستفيد تقبل تحيات
اخوك سعيد ولاهنت

صح لسآانك فهد
روووعه + تميز
كالعآاده مبدع وربي
الله يحفظك ويحميك يآارب

صح لسانك

واعتلا شانك

شاعر جزل

نص رائع

تسلم يمينك

احترامي

صح بدنك اختي وردهتان

ولاهنتي على المرور الجزل والمشرف

دمتي بحفظ المولى

صح بدنك اخي ابو مشاري

وما عليك زود من طيبك والله وشرواك الطيب طال عمرك

اتمنى لك التوفيق اخي وللجميع

صح بدنك يا بن العم حضورك مشرف