هاذي ثلاث إشهور

هاذي ثلاث إشهور

هاذي ثلاث إشهور وأنا أتحراك
وأقول يمكن والي البيت جابك

ياما لحبك يا أريش العين ناداك
ومن زود حبي فيك كلٍ درابك

غنيت فيك وقلت ياوين أبالقاك
شعري كتبته لجل حضرة جنابك

أشتاقلك بالحيل وأموت وأهواك
وأشتاق لو جرحي شكا من عذابك

قطفتلك ورده على شان ذكراك
وغرستها ياشوق في جنب بابك

ما تدري إنه كل ليله تباطاك
والليل كله ساهره من غيابك

ليه الفراق اللي بدى منك وشجاك
يا جعل ربي يحفظك في شبابك

خليتني وأقفيت وأنا بلياك
مونس عذاب الحب والحب شابك

شوف الهوى وشلون من عقب فرقاك
سوى سوايا والخطا من صوابك
شعر / فهد ثامر البقمي

المصدر: الملتقى الجماهيري للشاعر محمد بن فطيس المري

يسلمو على ـالطرح
كلمآـآت رـآـآئعه
سلمت يمينكًـ
ويعطيكًـ ربيً ـالعآـآفيه
مآـآننحرم جديدكًـ
بآـآقه من ـالجوريً لروحكًـ

صح لسانك ي اخ فهد شاعر جزل ولا تجيب
الا الجزلات بيض الله وجهك تقبل تحيات اخوك
سعيد القحطاني ولاهنت

يعطيك ربي العافية .. وبيض الله وجههك

صح لسانك

مشكوووووور والله يعطيك الف عافيه

ياسلآم علييك ..

صح لسآنك .. ولآهنت

صح لسانك
أخوي فهد قصيدة جزلة وراقية
تحياتي

صح لسانك لاعدمناك يالغلا مشكور

صح لسانك يافهد

نص جميل وحلو وخفيف

اهنيك

صحت أبدانكم جميعاً ولا هنتوا

دمتم بحفظ الرحمن