قضية غرامي

قضية غرامي

ياللي طلبت الغزل من ناصر بن حسين=خذ لك كلامٍ يوقد جمرت احزانك

قلبي فقدته معى اللي ساكنه بالعين=واقول يا قلب لحظه شل شريانك

اجر صوتي لها من قبل عام الفين=واقول كفي علي يا بنت هجرانك

انا عمرت المحبه مثل سور الصين=واظنها ازود ولكن وين عرفانك

اسجل حروف شعري زاوية تسعين=ولا التفتي على اللي هام باجفانك

حتى الدواوين لو تشكي عنى المسكين=تستبعد الحكم عنك لجل رضوانك

لو كنتي انتي بشر يا كيف حور العين=الصمت في حسنك ابلغ والحشا صانك

مدري عيوني كذا ترسم حلا الغالين=والا لساني عجز عن وصف قيفانك

اسج رجلي معى الماشي يسار يمين=واعيف نفسي معى العالم على شانك

نظرة عيونك غديرٍ تروي الضامين=والليل يجلي ظلامه ضحكة اسنانك

حبك سكن واستكن بداخلي تكفين=لا تحرمي منزلك عن ضمة احضانك

انتي منار الجسد وانتي الدوا للرين=وانتي عماد الغلا يا قو سيسانك

لا مر طاريك من جنبي بكيت الين=تبكي العرب من بكاي وتطلب اذعانك

واليوم يا محمد المري خذ التلحين=هذي قضية غرامي تطلب الحانك

المصدر: الملتقى الجماهيري للشاعر محمد بن فطيس المري

ناصرالشريف
الله الله عليك وصح الله السانك مبدع كالعاده وينك يامحمد وين التلحين هههههههه
ودي وتقديري

الله الله يابو حسين

قصيده كايفه ولاهي بغريبه عليك

صح الله السانك حتى ترضى

تحياتي لك

الصقر الجارح وحسين كرعل

صحت ابدانكم ولا هنتو على المرور والاطراء الرائع

تقبلو تحياتي وخالص تقديري

الله الله ..

صح الله لسااانك ياناصر ...

وتسلم يمينك ..

ولاهنت .

ابداااع ماشاء الله
لاعدمنا هالابدااااع
تقبل مروري

صـــــــح لسانك
والله يعطيك العافيه

ناصر الشريف انت قنبلة ابداع

صح لسانك حتى ترضى

صح لسانك ياخوي قصيده
روعه

رائعه من روائع شاعرنا العذب الشريف
تحياتي