وهج القصيد ,,

وهج القصيد ,,

بسم الله الرحمن الرحيم ,,

السلام عليكم ورحمة الله وبرركاته ,,

اسعد الله مساكم وصباحكم بكل خير وكل سرور وسعاادهـ ,,

اضع لكم مشاركه ابيات قديمه ولكن اجددها لكم هناء وهي تعبر عن نفسها ,,
وكلي امل ان تنول اعجابكم وتحوز على رضاكم ولكم خالص تحياتي وكل تقديري ,,

قال العتيبي من خيال ً صافي=انصفت من وهج القصيد انصافي
عديت في راس الطويل النايف=يوم الهوى صوب الحشى هفافي
رجم ٍ مضالي معه سابق ذكرى=لاعادها الله وقفة الوقافي
عرض على قلبي كتاب ٍ ماضي=من بيني وبينه سنين اعجافي
وايام راحت صعب في رجعتها=ارسومها مابين كل اطرافي
فكيت باب الفكر ثم مرتبه=عجله وكني عن وقوفي غافي
شبت على قلب الشقاوي وارخت=بيت القصيد وزان مطلع قافي
ياملهم الفكره ويا مبداها=اليا استوى هجس الكلام الكافي
من عثرة ً مرت علي البارح=يذرى مداها عن سواف السافي
لاهو غرام الود والا اصروفه=مادام في سوق الهوى صرافي
من مالقيته في حقوق الرفقه=كم يشتكي لوعاتها من وافي
اليا تنكر صاحب ٍ للصاحب=من غير سبه يحمل الانكافي
غرة زمان ٍ مل من لوعاته=صدر ٍ بوقت الضيق ماله شافي
يحمل عواقب ماطراله فيها=ويصد من دون الردي ويعافي
لاباس ياصدر الكريم الصابر=منت بعلا درب الخلايق نافي
من جاك يلقى مدتك مع جودك=والي جفاك اعزم وخلك جافي
ترا الرجال عروقها دساسه=كم شيخ قوم ٍ صار نجله هافي

وسـلامة نواظركم وقلوبكم , خالد العبيريد .

المصدر: الملتقى الجماهيري للشاعر محمد بن فطيس المري

ترا الرجـال عروقهـا دساسـه === كم شيخ قوم ٍ صار نجله هافـي

أنا اشهد

صح لسانك من العارض الى الحره
وبيض الله وجهك وش نقول و وش نخلي
أنت الابداع بعينه ياخالد العبيريد

مرحبا يافزاع حياك الله ,,

صح الله بدنك وصح قلبك وكلك ولاهنت الابداع حضورك وطلتك يالغالي ,,

كل تقديري وشكري لك وخالص تحياتي يافلان الفلاني ههههههه .

لابأس يّ صدر الكريم آلصآبر
منت بعلى درب آلخلآيق نافي..
من جآك يلقى مدتك مع جودك
واللي جفاك أعزم وخلك جآفي ..


يّ سلآم ..
وعليكم السلآم والرحمة ..
صح لسانك وعشت ..
قلم مميز كَ المعتآد ..

مرحبا يافراشه حياك الله منوره طال عمرك ,,

صح الله بدنك وصح قلبك وكلك واشكرك جزيل الشكر على حضورك وتعليقك ,,

كل التقدير والشكر لك والله لايهينك .

الله الله الله

صح لسانك يا خالد وقديمك جديد طال عمرك

والجزاله مرافقه نصوصك القديم والجديد ولا غريب في ذلك
ما دام شاعرها ابو سهيل تقبل تحياتي وخالص تقديري

يا لبى قلبك يا بو سهيل
ويا هلا وغلا فيك يا الغااااالي وصح صح صح صح الله السااانك وعتلا شااانك
جرح وعلى الجرح والله يبيض وجهك يا الجزل ولاهنت
تقبل مروري المتواااضع

صح لسانك مبدع ياخالد دايماً الله يوفقك





تقبل مروري ..

..


ترا الرجـال عروقهـا دساسـه**كم شيخ قوم ٍ صار نجله هافـي

/

لو مآ قرأت إلـآ ذآ البيت لِ حآله .. كآن قلت صح لسآنك على القصيدهـ كآملهـ
صح اللهـ لسآنك يَ خ ـآلد و بيض اللهـ وجهك

؛

من جـاك يلقـى مدتـك مـع جـودك**والـي جفـاك اعـزم وخلـك جافـي
الله الله بيت جميل جداً ,

صح لسانك ياخالد وعسى الله يعينك