الغلا بالتصالك

الغلا بالتصالك

هاذي قصيده على مايقولون القلب خضر ونا بسمعكم اليوم غزليه واتمنا ان تحوز على اعجابكم
يقول

الغلا بالتصالك
لاتسئليني عن مدى حبي لك هيه
صعب أتخيل كيف أوصف خيالك

فـي ذمـتـي لـك الغـلا كـل مـافيه
لـو الـغـلا بـحـر الـغـلا مـايـقـالك

أنتي بقايا شي في خاطري ابغيه
وأنتي تفاصيل الغـلا في وصالك

ياما تعاهدنا عـلى الواصل افديه
وياما تـمـر أيـام ونـسـى تصـالك

وياما تـزاعلـنا وانا رجـع أراضـيه
وياما حكـيـة الهم لك في خصالك

والحين لك ذكرى مع النفس أحيه
يـادمـعـة الـخـديـن خوذي مسالك

ماعاد لك في شوفة النفس مابيه
خوذي دروسً باعها القلب وجالك

هـاذي نهـايه عشتها وانـا اماهيه
يحلـم بهـا النـايـم عـلى انـه وفالك

عـارف غـلاتـي عند غلا ياجوديه
وهـي عـارفـه لـه الـغـلا مـاطرالك

مامدحلها النفس لكن أحاول أطريه
للـواصـل قـيـمه والـغـلا بـالتصالك

العـب عـلـى الـجـوال كـنـي أنـاديه
وضـغـط عـلى رقمه ودور زوالك

الله يعـيـن قـلـبـي عـلـى شي راجيه
ويبـعـده عن شـيً بها العمر طالك

ماعاد ابعرف عن وصالك وألا ابيه
حــاولــت لاكـن الـغـلا بـالتـصـالك

وسلامتكم

الشاعر : مبارك الشمري

المصدر: الملتقى الجماهيري للشاعر محمد بن فطيس المري

ماعاد ابعرف عن وصالك ولا ابيه
حاولت لاكن الغلا بالتصالك







صح لسانك اخوي مبارك


ابيات معبرة وجميله


تقبل مروري المتواضع



دمت بود وسلام

اقتباس المشاركة الأصلية كتبت بواسطة قـاصد كـريم ماعاد ابعرف عن وصالك ولا ابيه حاولت لاكن الغلا بالتصالك صح لسانك اخوي مبارك ابيات معبرة وجميله تقبل مروري المتواضع دمت بود وسلام

ياهلا بقاصد صح بدنك كل مابي اضبطهاا يخرب التضبيط يوم كتبتهاا بسرعهاا والله الحين قاعد اراجعهاا بشوف في اخطأاملائيه

شاكر لي مرورك يالغلا لبا قلبك
لا خلا والا عدم من مرورك

تحياتي لك

مبآرك الشمري
صح آلله ألسآنك ملايين
جزله من جزل ..لاشلت يدك ع هالطرح الطيب
عوآفي

صّح لسآنك يالشمري على هذه الدرّه
لآعدمت توآجدك وجديدك
تحيآتي وتقديري

ماعاد لك في شوفة النفس مابيه
خوذي دروسً باعها القلب وجالك

وخذ دروس باعها الشعر لـ شعرك ..
أبيآت غزليه جميله وراقت لي كثيراً ..
مبدع دايما في كتآبآتك ..



صح لسآنك ولا هآنك الرب ..
يعطيك ألف عآفيه شآعرنآ ..
لا تحرمنا من إبدآعك ..

اقتباس المشاركة الأصلية كتبت بواسطة سلطانه مبآرك الشمري صح آلله ألسآنك ملايين جزله من جزل ..لاشلت يدك ع هالطرح الطيب عوآفي

سلطان صح بدنك وانتي كذالك ملاااييين

الجزاله منبعك ياغلاهم .. ولا الله حرمنا من طلتك لبا قلبك

على قلبك عوافي

اشكرك ولا خلا والا عدم من طلتك

اقتباس المشاركة الأصلية كتبت بواسطة عبدالله ال بالطحين صّح لسآنك يالشمري على هذه الدرّه لآعدمت توآجدك وجديدك تحيآتي وتقديري

عبد الله مرورك اسعدني يالغلااا

ونا ايضا لا عدمت ردك في مواضيعي

فديتك اشكرك يالغلا

تحياتي لك يالغلا

اقتباس المشاركة الأصلية كتبت بواسطة كيفي قيوـآنيه..} ماعاد لك في شوفة النفس مابيه خوذي دروسً باعها القلب وجالك وخذ دروس باعها الشعر لـ شعرك .. أبيآت غزليه جميله وراقت لي كثيراً .. مبدع دايما في كتآبآتك .. صح لسآنك ولا هآنك الرب .. يعطيك ألف عآفيه شآعرنآ .. لا تحرمنا من إبدآعك ..

ياهلا بعذبة احساس مرورك اسعدني كثير

وشكرك على الكلام الطيب وطيب مايجي الا من الطيبين مثلك وشرواكي


صح بدنك ولاهنتي يابعدهم اشكرك على المروري
ولا خلا والا عدم من المرور الذرب

ماعاد ابعرف عن وصالك وألا ابيه
حــاولــت لاكـن الـغـلا بـالتـصـالك

مباااااارك
صح لسااااانك
ابيااااااااااات راااائعه
تحياااااااااتي عز