لـولا الـفــقـر والــدّيـن يـابـنـت الأجـواد "جديدي"

لـولا الـفــقـر والــدّيـن يـابـنـت الأجـواد "جديدي"

أريـــــــد شـــــــي ولـــكــــن الـــــــرب مـــــــا راد
يـــــارب عـــفـــوك فــــــي نـــهـــار الـقـيــامــه

لـــــولا الـفــقــر والــدّيـــن يـابــنــت الأجــــــواد
الــلـــي عــلـــى الــهــبّــاش بـــنّـــى خــيــامــه

حـقّــقــت حـلـم(ن)طـاولــه هـــجـــر وبـــعـــاد
مـبــنــي عـــلـــى نـــبـــع الـــمـــودّة مــقــامــه

لا تـسـمـعـيـن هـــــروج شــامـــت وحـــسّـــاد
هـــــــــــذا طـريــق(ن)تــالــيــتــه الــــنــــدامــــه

الله يـــشــــهــــد والــمــخــالـــيـــق شــــــهّــــــاد
يـامـهــجــة الــقــلـــب الــحــزيـــن وهــيــامـــه

انــك ملكـتـي القـلـب طـــوع(ن) بـــلا عـنــاد
والله مـــلــــوم الــقــلـــب لــــيــــه الــمـــلامـــه

يـــزيـــد عـــمـــرك لـــكـــن الـــزّيــــن يـــــــزداد
والـــلـــي ذبــحــنــي نـــظـــرة(ن) وابـتـســامــه

لا يــاوجـــودي فـــــي غــرامـــك لــيـــا جــــــاد
نــظـــم الـقـصـيــد الــلـــي غــرامـــك مـــرامـــه

ولايــاوجــودي وجــــد مـــــن شــيـــل مـنــقــاد
نـــاظـــر لـــبـــوه وقــــــال مــــــع الــســلامـــه

حـبـيـس عـشــر سـنـيـن بـيـديــه لـلأصـفــاد
فـــي جـــوف سـجــن طـــول قـامــه بـقـامـه

وحان القصاص اللي على روس الأشهاد
والـعــبــد جــاهـــز فـــــي يـمـيـنــه حـســامــه

جــــــرّ الــونــيــن وقــــــال يــــــارب لا عــــــاد
يــوم(ن) غمـانـي مـــن الجـهـالـة غـمـامـه

ســبّــة وجــــودي مــنــك يــاغــض الأنــهــاد
حـــيّـــرتـــنــــي يــالــعــنــبـــوهـــا رخـــــــامـــــــه

صــبــرت صــبــر ولــكـــن الـصــبــر مــافـــاد
وش حـيـلــتــي يـــأهـــل الـــوفـــا والــكــرامــه

حـرمـتـنــي مــــــن لــــــذّة الـــشـــرب والــــــزاد
كـــنّــــي مـــريــــض مـاتـشـيــلــه عــظـــامـــه

اســهــر مــــع الـهـاجــوس ســــرداد مــــرداد
وابـكــي كــمــا الـطـفــل الـصـغـيـر بـفـطـامـه

يــابــنــت أنــــــا مـــانـــي بـالـلـظـلــم مــعــتــاد
الــصــقــر صـــقـــر ولا يــســمــى حــمــامـــه

بصـبـر ولـكــن لنـتـهـى الـصـبـر وش عـــاد
حــــرام مـايـغـشـى ابــــن قـحــطــان هــامـــه

شـفـهــم تــراهــم يـالـغـضـي جــمــع وأفـــــراد
الله لــــنــــا مــــاعـــــاد فـــيـــكـــم شـــهـــامـــه

الـــحـــب كـــانـــه لـــعـــب لابــــــوه لا عـــــــاد
خــــلّـــــه يـــــولّـــــي لــعــنــبــوهــا رخـــــامـــــه

فهد الهباش،،

المصدر: الملتقى الجماهيري للشاعر محمد بن فطيس المري

ماشاالله عليك



ابدعت باختيار الكلمات ونظم القصيده


وصح لسآنك

يـــزيـــد عـــمـــرك لـــكـــن الـــزّيــــن يـــــــزداد

والـــلـــي ذبــحــنــي نـــظـــرة(ن) وابـتـســامــه

ولايــاوجــودي وجــــد مـــــن شــيـــل مـنــقــاد

نـــاظـــر لـــبـــوه وقــــــال مــــــع الــســلامـــه

ابن هباش صح لســــــــــــانك .. أبيات عانقت حدود السماء ..لاهنت

تستاهل التقييم

تحياتي .

الراائع فهد الهبااش

الله ..الله عليك
صح لســـــــانك ..واعتلا بالطيب شانك
قصيده رااائعه جداً .. عزفت فـ كاان العزف على اوتاار القلووب
.. كل الشكررررلشخصك الفخم ..

الله عليك يافهد

صح لسانك على هالقصيده

وتقبل مروري العطر

اقتباس لا تـسـمـعـيـن هـــــروج شــامـــت وحـــسّـــاد هـــــــــــذا طـريــق(ن)تــالــيــتــه الــــنــــدامــــه

إختيار رآقي ..سلم يمينك ع ماطرحت
بإنتظار المزيد من نبض قلمك ~
دمت بخير ,’

بآآشة الغيد ..
صح بدنكـ يالغالية..
لكـ شكري..
من أعماق قلبي...

أختي الهوى..
مرورك شرف لي...
وتعليقك فخر واعتزاز حضيت به...
وتقييمك روحانية لشعري..
اشكرك من قلبي ..ولا يكفي..

صح لسااانك ياابن هباش

أبيات جزله من شاعر يجيد العزف على وتر القصيد بإبدآع

لاهنت..وصح لسانك يا (شبل قحطان).