بنـت الرجال تشوم عن درب الأنذال..

بنـت الرجال تشوم عن درب الأنذال..

بسم الله الرحمن الرحيم
السلام عليكم ورحمة الله وبركاته


جاني سؤال . . . وكذا مرهـ السؤال يتكرر علي
وعجبتني الابيات هذي قلت اهديها لكل من سأل

بنت الرجـال تشـوم عـن درب الانـذال=وتـبـعـد جـنـابـه عــــن دروب الــرديــه
ماهـي فـي درب العشاشيـق تختـال=ولاهــو طمـوحـه يــوم تصـبـح خـويــه
ولاهي بتشرى بشحن هاتف وجـوال=ولا لا ولاتــشـــرى بـعــطــر وهــديـــه
ولاهي من اللي كل يوم(ن) لها حـال=وعنـده مـن الاصـحـاب عـشـره ومـيـه
الـيـوم مــع هــذا بــلا شــك وجـــدال=وبـكــرى مـــع هـــذاك تـعـقـد يــديــه
هذاك ترسـل لـه مـن الحـب مرسـال=وغـيــره مـعـاهـا بالمسـنـجـر سـريــه
تـضـحـك علـيـهـم واتـغـنــج وتـحـتــال=وهــم يـاحـرام يـجـون بـاجـزل عطـيـه
أحـد(ن) تبـي منـه أسـوار وسلـسـال=وأحـد(ن)فـواتـيــره يــســـدد هــديـــه
وأحد(ن) لها يحول ألوف(ن) من المال=وتضـحـك وهــي تـقـول ديـنـك عـلـيـه
وش ينفـعـه لاقـيـل بـالأســم رجـــال=والبـنـت تلـعـب فـيـه صـبـح وعـشـيـه
أنا اشهد انه لـو لبـس بشـت وعقـال=مـاجـمـلـه بـشـتــه بـعـيــن اجــوديــه
ووش عاد لو هـو مالـك قصـور وامـوال=واسمه مسجـل شيـخ وسـط الهويـه
الشـيـخ مــن بيـتـه لـلاجـواد مـدهـال=مـاهـو بشـيـخ فـلـوس لارحــم حـيــه
وبنت الرجال اللـي تعـزوى بهـا رجـال=عينـه علـى الاشبـاه مـاهـي شقـيـه
مايشوق بعيونـه سـوى طيـب الخـال=الـلــي يـديـنـه مـــن عـطـاهـا نــديــه
عيـنـه عـلـى الطـيـب تنـاظـر وتخـتـال=ولــد الـرجــال الـلــي عـلـومـه غـنـيـه
ولـــو كـــان مايـمـلـك بيـديـنـه ريــــال=ويـــده مـــن كـنــوز الـدراهــم خـلـيـه
يكفـي ألـى مـن مــر ذكــره بالامـثـال=والـكــل قـــال ونـعــم يـاحــي حــيــه
ألماسـة(ن) ماكـل مـن هامـهـا طــال=وكــل(ن) يبيـهـا بــس مـاهـي دنـيــه
مصيونـة(ن) عـن قـول حاسـد وعـذال=ومحشومـة(ن) عـن درب ذم وخطـيـه
تخاف من هرج(ن) يجـي فيـه محتـال=حكيه شهد مدسوس في سـم حيـه
الطـرف يغضـي غصـب لاشـاف رجـال=والـعـيــن مــالــه بـالـنـظــر مـقــدريــه
هـي مهـرة(ن) مايعسفـه كـود خيـال=ذيـب(ن) سنافـي عـز مـن هـو خويـه
حـر(ن) شلـع مابـيـن هـامـات وجـبـال=لــه نـظـرة(ن) تــرث بالاعـمـاق كـيــه
علـى النقـى يصبـح لهـا فـي وظــلال=قــدام كـــل الـنــاس مـاهــي خـفـيـه
بوضـح النـهـار بــدون ريـبـه ولا اقــوال=الــصــح واضــــح والـخـطـيـه خـطـيــه
هذي هي اللي تنشرى بغالي المال=ويرخـص لهـا الغـالـي وتـشـرى يـديـه
وهــذي تـسـاوي بعـزتـه ألــف رجــال=وش عـاد لـو هــي بالمسـمـى بنـيـه
وهـذيـك ماتبـغـى ولــو مـهــره ريـــال=ولااحد(ن) يبيهـا كـود خبـل(ن) دهيـه
سبحان من هو فرق الناس بااشكـال=وألـوان وأفـعـال(ن) وحسـنـى وسـيـه
ومثـل مافيـه رخــوم بالـنـاس ورجــال=أيـضـا بـنـات الـنــاس مـاهــن سـويــه

المصدر: الملتقى الجماهيري للشاعر محمد بن فطيس المري

ياسلام


عجبتني القصيده هذا الكلام الصحيح


يسلموا ع اختيارك الجميل

انفاس هلا والله وغلا قلبي
تسلمين ياعسل
الله يسعدك يارب

الماسه
ونشهد ابيات تستحق الر د عليها
وفعلن انتي بنت ارجال وينشد الضهر فيه
روعه هذي الابيات
وتحكي عن بنت صانة نفسه ولا تنشرى بطاقة جوال وخزعبلات
صح السانه والله
وشكرك على النقل

شمالي هلابك اخوي
تسلم والله
وشكراً على كلامك الرائع
الله يحفظك يارب

الله الله ....
لاهنتي ياكريمه ..
الله يحفظ كل بنات المسلمين ...

ما شاء الله
صح لسانكـ و علاا شآآنكـ قلبي
ربي يحفظكـ و يسعدكـ
سلمتي و دُمتي بخيير

ابيات على الجرح سلمت يمينك يالماسه على النقل ومحشومه يابنت الرجال

اقتباس المشاركة الأصلية كتبت بواسطة مجازفف الله الله .... لاهنتي ياكريمه .. الله يحفظ كل بنات المسلمين ...

هلا وغلا مجازف
اللهم امين ويحفظك يارب

اقتباس المشاركة الأصلية كتبت بواسطة امنيات ما شاء الله صح لسانكـ و علاا شآآنكـ قلبي ربي يحفظكـ و يسعدكـ سلمتي و دُمتي بخيير

امنيات هلا وغلا قلبي
تسلمين ياعسل
ربي يحفظك