ذالليل كن نجومـه شـوي واشتـات

ذالليل كن نجومـه شـوي واشتـات

ذالليل كن نجومـه شـوي واشــتـات من كثر مـا راقبتهـا قبـل ذالليــــل
فيها عـن البـارح وقبلـه تفيــــــوات اعّدهـا مـن يـوم غيبـت ياسهيـــــل
ذالليل لبسه صمت وفراشـه سكـات كنـه يشجعنـي لجـر المـواويـــــــــل
لكـن يكـدر صفـوة الجـو دقــــــــــات دقات منفصله وهـي مـا لهـا ذيـــــل
اروح ادورهـا بســـــمعـي تصـنـات وتطلع عقارب ساعـة بايـدة حيـــــل
مسيرهـا دقـات واكثـره وقـفـــــــات هي ريضه وانا ارقب الصبح واخيل
الزبده ان الليل ذا مـا بـه اصـــــوات كني لحالي والعرب من ورى النيـل
الناس مــــدري وينهـم كنهـم امـوات كنهم تمالوا فـي وكنـي مـع سيـــل
سيل الهجوس اللي الى جاتني جـات كتها على عقلي من الماضـي تهيـل
تظهر من الشاعـر تنهـات وابيــــات واللي مهو شاعـر يظهـر مناديـــل
تعيد لـي ذكـرى غـرام البدايـــــــــات وتحلـل ايـام مضـت فيـه تحليــــــل
وتاخذ بصدري مثل كل ليل صـــولات ومضمونها معروف راعي المظاليل
اللي فتحت الصدر له مـن سنيـــــات وخذ في فوادي ركن لازال ما زيــل
قافي لو يوصـف لزينـه حركــــــــات قامـوا بتقليـده بنـيـات ذالجـيــــــــل
وعينه الى منـه صدقنـي بنظـــــرات دريت وين الضعف فـي يارياجيـــل
ابختصر وصفي له بخمـس كلمـــات دله..صباح و ليل..سيف وفناجـيل
قطعت من شانـه طـوال المسافـــات الميل متر يسير لاشتقـت لـه ميــــل
يشتاق لي مره وانـا عشـر مــــرات ويعطي وانا معطيه هيـل بـلا كيــــل
اعرف قولة هاك ولا اعـرف هـــات ويخطي علي بالصد واصـد واشيــل
عنده علـى تبريـر صـده مهـــــــارات وعندي لقبل اعـذار صـده تعاليـــــل
حبـه قعـدت ابنيـه عـدة سنـــــــــوات وفرقاه في كسرة عصـا دون تعليـل
فجئـه ولانـي بيـن دمـع وتنهـــــــات وقد كل ما قد فات ذكـرى واقاويـــل
وقعد بين اسج ..مـا اسـج فتــــرات عقلي يحاسبني وقلبـي مـع الخيــــل
قلبي يقول اللي مضى كذب ما مـات لونه ميت ما قعـد جرحـك يسيــــــل
يقعـد يذكرنـي ديـار ومـحـــــــــــلات ويعيد لي ما فـات جملـه وتفصيــــل
ويقول لي معذور والا انـت بالـــذات مالك عذر في طيحتك في المحابيـــل
وعقلي يقول اللي مضى ماضي وفات ما من ورى طرد المشاعر محاصيل
اعطيتـه عيونـك وشـح يتلـفــــــــــات وخلاك شربك هـم واكلـك بهاذيـــــل
هيهات زيد تشوف لـه زول هيهـــات انـس المدابيـر وتـلـق المقابـيــــــــل
اقنعنـي العـقـل بـكـــــــــــلام ودلالات اني علـى درب الخطـا والمهابيــــــل
الحزن مـا يذبـح كـلام ودعايــــــــات هذا انا ما مـت فـي تالـي ابريــــــــل
والصد مهما كان حجمـه سلامــــات هذا البدو مـا ماتـوا لغيبـة سهيـــــل

سمعت ان هاذه القصيد للشاعر محمد بن فطيس والله اعلم

المصدر: الملتقى الجماهيري للشاعر محمد بن فطيس المري