الا يا سكون الليل

الا يا سكون الليل

الا يا سكون الليل خذني وعانقني
ترى ما وسعني من المخاليق غيرك انت

اجي لك حزين من الزمان وتجابرني
عزيزٍ على نفسك وبين الخلايق هنت

هدوءك يلامسني ولمسك يراضيني
يذوقني الامال يكسر قيود الكبت*
*
مقدر لك الوقفات يوم أن تساندني
تقاسم معي عند الظمأ شربتين الصمت

ومره تهاجمني ومره تواجرني*
وقصدك تعلمني وانا منك تعلمت

على ان الحياه الي تمايل تميلني
شبيه الرياح الي تميل غصون النبت

وغيرك يجاملني ومره يجرجني*
وقصده يآذيني وانا منه تألمت*

وخذها صراحه دام طبعك تصارحني
انا ما جذبني يمك الا جمال السمت

انا بعد ما خذتك بصدري تعانقني*
بكيت وخذتني شهقتين وهديت ونمت

المصدر: الملتقى الجماهيري للشاعر محمد بن فطيس المري

_

صح لسآنك شاعرنآ حسين ,
لآهنت عَ القصيده

مرور كريم ... اهلا وسهلا

الله الله ياحسين ,,
حياك الله يالقرم ,,

صح الله لساانك وصح قلبك وكلك ولاهنت قصيده وافيه ومعبره يالغالي ,,

كل تقديري وخالص تحياتي لك ولاتاقطع تراك ابطيت علينا يارجل ,,

وافر احتراامي لك .

صح لسانك
ولاهنت
ابدعت