وجـــــد حـــالـــــــي

وجـــــد حـــالـــــــي

السلام عليكم ورحمة الله وبركاته،،،،

بما إن الوقت هذا وقت إختبارات حبيت أجدد العهد بكم بأبيات تعايش هذي الفتره

أقــول فيــها....



وجد حالي وجد منهو درس يبقي النجاح
ــــــــــــــــــــــــــــــــــــــــــــــــــ ـــــــــــــ شـد حيله للمـذاكر وحظه لك عليه
حدتـه ســـود اللـيـالـي عـلى درب الكـفـاح
ــــــــــــــــــــــــــــــــــــــــــــــــــ ــــ وانجبر بالدرب يمشي وهو ماهو يبيه
مابقـى لـه غيـر عـام(ن) ويلبـس له وشـاح
ــــــــــــــــــــــــــــــــــــــــــــــــــ ــــــــ والزروع اللي بذرها بتحصدها يديه
لكـن الحـظ الـــردي لآنـهـض عــوّد وطــاح
ــــــــــــــــــــــــــــــــــــــــــــــــــ ـــــــــ وإنهدم ما كان يبغي وعينه ترتجيه
وإختلف سير السفينه على مشهى الرياح
ــــــــــــــــــــــــــــــــــــــــــــــــــ ــــــــ بين منهج ما عرف له وبين أمه وأبيه
ما جـداه إلا التصـّـبر علـى طـعــن الـرمـاح
ــــــــــــــــــــــــــــــــــــــــــــــــــ ــــــــ وإن دخل في غرفته هـّـل دمعه كلبيه

ســوووووااااالـــم،،،،،،،،،،،،

المصدر: الملتقى الجماهيري للشاعر محمد بن فطيس المري

وراد صح لسانك واعتلى شانك جميله ماخطته اناملك

لاكن البحر فيه من الرمل وفيه من البسيط

ياليت توضح لي ماهو بحر هاذي القصيده

صح لسانك يا وراد ابيات وافيه مافيها كلام
وانت ياعلي سبق وعلمتك انت انقد نفسك اول بعدين اول مره ادري ان البحر فيه رمل وبسيط
هذي اتوقع تندرج تحت اسم مدرسه علي العنزي الناقد المنقود ع الفاضي اللي بيوته يبيلها وزنيه
اما بالنسبه للبحر هو المنكوس
واتوقع انك اول مره تدري ان فيه بحر اسمه منكوس يالمستشعررر
تحياتي لك

صح لسانك وبلغنا وش نتايج دراستك المووووت كانك مثلي ههههههههههههه

اقتباس المشاركة الأصلية كتبت بواسطة علي العنزي وراد صح لسانك واعتلى شانك جميله ماخطته اناملك لاكن البحر فيه من الرمل وفيه من البسيط ياليت توضح لي ماهو بحر هاذي القصيده

صح بدنك أخ /علي واعتقد رد الاخ/الصارم كفى ووفى

اقتباس المشاركة الأصلية كتبت بواسطة الصارم صح لسانك يا وراد ابيات وافيه مافيها كلام وانت ياعلي سبق وعلمتك انت انقد نفسك اول بعدين اول مره ادري ان البحر فيه رمل وبسيط هذي اتوقع تندرج تحت اسم مدرسه علي العنزي الناقد المنقود ع الفاضي اللي بيوته يبيلها وزنيه اما بالنسبه للبحر هو المنكوس واتوقع انك اول مره تدري ان فيه بحر اسمه منكوس يالمستشعررر تحياتي لك

صح بدنك اخوي/الصارم بيض الله وجهك ياوافي

اقتباس المشاركة الأصلية كتبت بواسطة غشام البراق صح لسانك وبلغنا وش نتايج دراستك المووووت كانك مثلي ههههههههههههه

صح بدنك ياغشام أما بالنسبه لاستفسارك اتركه للي هو موجه له
هههههههههه لاتعليق،،،،،

صح لسانك وبيض الله وجهك ابدعت .


تحياتي

صح السانك قصيده مميزه

تسلم عل القصيده العذبه
ولا هنت