وصوف خلي

وصوف خلي

اعضاء المنتدى الاعزاء هذي محاوله بسيطه من تاليفي واللي هيضني على كتابة هالبيتين اغنيه للفنان خالد عبد الرحمن وهي ابيلي مهره الضاهر انها للشاعر القحطاني والله مو متذكره زين بس اعتقد انها له المهم سمعتها وجات هالابيات اتمنى تحوز ع الاعجاب واي نقد بناء يفيدني اقبله








ابي خلي كما الفرسان ليمن تدخل الميدان
رفيع الراس لامن عاد الين اخته تعزوابه
ابي لامن مشا مشيه رزين وسيد الشبان
ابي لامن قدم في مجلسن ماغلقو بابه
ابيه اشباه طيرن حر عالي يكفخ الجنحان
ابي نسله من ارجال (ن) تعرف الحق وتسعابه
ابيه اشباه سيف الزير لامن صال فالميدان
ابي شانه عظيم وكل حين قابله هابه
ابي قوله كما قول الحكيم وحنكته سلطان
ابي لامن نطق من كلمته ربعه تهقووبه
ابي لامن نصاه المبتلي مارجعه خسران
كريمن من كرم حاتم وطبعه فاتحن بابه
ابي قلبه رحيم ومايعرف الكره والحقدان
ابي طبعه وفي ولايعرف الغدر واسبابه
ابيه اصدق من الصدقان وماهو ابكاذب وخوان
ابيه افهم لبيبن والعدل والحلم يزهابه
ابي هرجه قليل وحافظن للسر والكتمان
ابي مايبتلي غيره ويستر كل ماعابه
ابيله نيتن اصفا من المويات في الغدران
ابيه اطيب من الطيب صبور ابكل ماصابه
ابي لامن تحدته الوسيعه يدعي الرحمن
يمد الكف له اهون من انذالن تحكووبه
ابي نفسه عفيفه ماتعرف الهون والخذلان
ابي راسه رفيع ومايطيح الا لطلابه <<<<(( لله))

ابيله خاطرن سمحن وسيع وياسع الخلان
ابي حتى عدوه لاسمع طاريه هلابه
ابيله في بحوور الشعر صولاتن وله ميدان
ابي حتى الورق من عذب قافه قام غناابه
ابي خلن احبه حيل وصوفه تبهر الاعيان
ابيله طلتن تسحر تداوي القلب واعطابه
ابيله بسمتن تشفي الجروح وتروي الضميان
ابي لامن ضحك مع ضحكته امووووت واحيابه
ابيه ايكون لي ربعن وعزوه واقرب الخلان
ابي ماعزني سره وهمن صابني صابه
ابي لامن غدربي الوقت ابد ماقول ((وين افلان)) مابين القوسين اسم ابووي
اهل ادموع عيني فوق صدره واتتقابه
ابي في دنيته احيا وقلبي دالهن طربان
ابي مايعرف الضيقه وهو في مسكن احبابه
ابيه ايعيش متهني ولاهو ابساهي وحيران
مدام انه لقى خلن مع الايام يهنابه
كتبت اوصاف خلي بالقليل وخاطري مليان
الا وشلون موصف صاحبن قلبي تولع به
حلف حتى القلم في صاحبي مايخلف الاوزان
يصف القاف فوق القاف والاوصاف تحلابه

وســـــــــــــــــــــــــــــــــــــلامتكــــــ ــــــــــــــــم

فــــــــــــــــــــــــاقده

المصدر: الملتقى الجماهيري للشاعر محمد بن فطيس المري

ماشاللهه تباااركك اللهه صح لسااانك

صح السانك فاقدهـ

نص جميل أتمنا لك التوفيق

اقتباس المشاركة الأصلية كتبت بواسطة راعي الذود ماشاللهه تباااركك اللهه صح لسااانك

صح بدنك وشكرا لك

اقتباس المشاركة الأصلية كتبت بواسطة مصيوب الهوىا صح السانك فاقدهـ نص جميل أتمنا لك التوفيق

صح بدنك والاجمل هو مرورك

فااااااااااااااااااااااااااااااااااااااااااااااااا اااااقده ..

صح بوحتس .. أبيااااااااااااااااات شامله كامله

الله يحقق أمانيتس .. مافيتس حيله .. تقييييم وبدون تردد

اقتباس المشاركة الأصلية كتبت بواسطة عزاام فااااااااااااااااااااااااااااااااااااااااااااااااا اااااقده .. صح بوحتس .. أبيااااااااااااااااات شامله كامله الله يحقق أمانيتس .. مافيتس حيله .. تقييييم وبدون تردد

صح بدنك لاهنت ومشكور ع التقييم

رفع