ياااا جعــــــــــ لك تموووووووووت

ياااا جعــــــــــ لك تموووووووووت

يا اهل الوفى والنقى ما شفت لي قوتا=الا معى اللي فوادي منه متواذي
خايف تبيُن ملامح عين جالوتا=في قلبي اللي غزاه الهم والقاذي
واروح ادور على ذكراه بسكوتا=واضيع ما بين ذيك وهاذي وهاذي
بنيت له في صميم عروقي بيوتا=الوذ عنه واليه القلب قد لاذي
ابو ثمانن عليها البرق منكوتا=ما بينها والبروق فروق للغاذي
والشفه اللي غشتها حمرة التوتا=يحتار فيها الغبي ويروح جهباذي
والثلج فالخد والوجنات ياقوتا=وجهك شبيه البدر بالنور متحاذي
غلاك سيفه على الوجدان مصلوتا=قاسي وبتار للوجدان جذاذي
قلبي عليك انت يا ابن الناس مفلوتا=وان مر ذكرك غلاك يصير نفاذي
وانته تقابل غلا مغليك بصموتا=اظن لك قلب يا ابن الناس فولاذي
فرقاك تضربني بمشعاب نبوتا=وارجي وصالك يجي ويحث بانقاذي
يا جعلك تموت لجل ارتاح واموتا=ياللي عليك الحلا والزين وخاذي

المصدر: الملتقى الجماهيري للشاعر محمد بن فطيس المري

قلبي عليك انت يا ابن الناس مفلوتا

وان مر ذكرك غلاك يصير نفاذي

وانته تقابل غلا مغليك بصموتا

اظن لك قلب يا ابن الناس فولاذي

صح لسانك اخوي ناصر على هالجزله

نص قمه في الابداع لاهنت عليه وبانتظار المزيد .


بعد اذنك عندي استفسارعن كلمه نفاذي .

وان مر ذكرك غلاك يصير نفاذي
هل المقصود بها نفاثي.

تحياتي وتقديري وتقييــــمي.

صح الله لسانك يا ناصر


نص رااائع وجميل ابدعت فيه رغم صعوبة القارعه


ابيات اعجبتني صراااحه بيض الله وجهك


بانتظار جديدك بشغف

تسلم ياناصر
مافيك حيله دوم مبدع
والله يستر عليك

الله الله
صح لسآنك أخوي
قصيدة جميلة ...

تحيتي

صح لسانك

نص جزل

لاهنت

اقتباس المشاركة الأصلية كتبت بواسطة الهــــــــوى قلبي عليك انت يا ابن الناس مفلوتا وان مر ذكرك غلاك يصير نفاذي وانته تقابل غلا مغليك بصموتا اظن لك قلب يا ابن الناس فولاذي صح لسانك اخوي ناصر على هالجزله نص قمه في الابداع لاهنت عليه وبانتظار المزيد . بعد اذنك عندي استفسارعن كلمه نفاذي . وان مر ذكرك غلاك يصير نفاذي هل المقصود بها نفاثي. تحياتي وتقديري وتقييــــمي.

\



اختي الهوى صح بدنك وتسملين على المرور

اما الاستفسار فانا احب اوضح

نفث اي بصق بدون اخراج التفال

او سريع

اما نفذ فهو الاختراق بدون استئذان

كما لو قلت نفذ الضوء من الزجاجه

او اقول حكم الرجل نافذ علينا كلنا

ولك جزيل الشكر والعرفان

تحياتي

لله درك ياناصر

شاعر متمكن وانت تعرف شهادتي فيك مجروحه

صح الله لسانك يالقرم ولا حرمنا هالهرم الشعري اللي تسير به


لا خلا ولا عدم يالقرم وتسلم قريحتك على هالزاخره

تقبل مروري واعجابي

اخوك ابو مشاري

صح لسانك اخوي ناصر وابدعت ع القصيده

الجميله .. وتقبل مروري ..

اقتباس المشاركة الأصلية كتبت بواسطة ناصر الشريف \ اختي الهوى صح بدنك وتسملين على المرور اما الاستفسار فانا احب اوضح نفث اي بصق بدون اخراج التفال او سريع اما نفذ فهو الاختراق بدون استئذان كما لو قلت نفذ الضوء من الزجاجه او اقول حكم الرجل نافذ علينا كلنا ولك جزيل الشكر والعرفان تحياتي

لاهنت استاذ ناصر على التوضيح
نص زآآخر يجعلنا نستهوي الغوص في اعماقه وبين اجزاءه .