بــوووووح

بــوووووح

.



قصيدة للشاعر سعد علوش :


مدري متى تصبح عيوني على خير

ومدري متى وانا وحزني ثنائي

أشعر بعزلة حس .. اشعر بتأثير

شي أكبر من اني اكون انطوائي

في بيئتي لكل الاحلام تفسير

وعجزت افسر واقعي وانتمائي

انا انتمي للشمس.. للعشب .. للطير

لحزن شاعر .. لفضيلة روائي

انا انتمي .. للمظلمات المناوير

اللي بها تمددي .. وانزوائي

انا الفقير اللي بعد حبك امير

وانا الامير اللي فقربي رجائي

وانا الثقيل الممتلي صدق تعبير

ومعاك احس اني شقي ومرائي

خذني معك .. للصبح .. للحلم .. للغير

كل شي من غيرك كئيب وبدائي

بعثرني .. رتبني .. مكان ومشاوير

انا ضحية هالدهاء النسائي


..........



الوداع اللي بعلم العين يعبر من رمدها

والوداع اللي بلا علم القفص صدري غبينه

والوداع اللي بلا رجعه علي أمر وادهى

والله أنه غرغرت سم وسكاكينٍ سنينه

والعنود اللي جفيت الناس والدنيا بعدها

مدت الفرقا لغاليها وهي تعطي الثمينه

وينها كيف تركتني ليه ما جت في وعدها

والقمر لاطل خابرها تجي بيني وبينه


ناصر القحطاني

........


رهنت لغيبتك ظلٍ نحيل ودمعتين وباب

على قلبي قفلته والوفا همه ومفتاحه

تفضل نعمه النسيان ما ابغي لاابتعدت اصحاب

عطاياك القديمه والجديد الياس وارماحه

بقي طيفٍ باحرسه في عيوني لك عليه اهداب

ولاني حاجبه ياوجهته لاهداك مرواحه

خلص كل الكلام اهديت لك لون الوداع اخضاب

مهر كفٍ دفاها من عذاب مصافحي راحة

نايف صقر

.......


أحلى سنين العمر راحت هدايا

ابتعد بسكات ماابي لك وداع

مايبي فرقاك هالقلب الرضيع

تحسب ان قلوب خلق الله تباع

يوم تشريني وللثاني تبيع

لاتغرك جيتي لك بإندفاع

لو بغيتك عز نفسي مايطيع


عبدالله العليوي

........


ولا به شخص واحد قال لي كل عام وأنت بخير !

وطيّب خاطري في كلمتين: العمر لك كلّه !

وأنا اللّي كنت اظن فـ يوم ميلادي سوالف غير !

تسلِّي خاطر اللِّي قرّب الخمسين يحتلّه

-

الشاعر/ فهد عافت

............


ان كان لك نيه تودعني بـ(جرح)

تكفى بجرح ٍ مايشافيه غيرك

مابغى الجروح اللي تساوم على الصلح

أبغى «عناد النزف» بعدك يثيرك

قوم رياحك حرض الرمل والملح

تملى العروق المبطيه من غديرك


مهدي بن سعيد


........


على قد الوضوح اللي قريته في عيون الناس

* على قد الفرح ماخان روٍح ضاع مرساها

اكذِّب من يقول إن الحقيقة دايمًا إحساس

* وأصدّق من براهين الوجوه ابعاد معناها

-


نور الوليدي


........



كل ما دعاني الشوق للقلب الأول

القى مكان القلب في الصدر تنهيد

وطيوف ذكرى في الحنايا تجول

تجمع صور وأوراق من باقي العيد

مدري سبقني الوقت والا تحول

أخلف ربيعي وادهرن المواعيد

-

بدر بن عبد المحسن


............


نعم تذكرت الزمان الذي طاف

غديت مثل اللي عيونه طرفها

لي في غرام (ن) فات كلمه وميقاف

لولا خفوقي هام بك ما وقفها

اول غيابك قلت مابي خلاف

واليوم شف حالي غيابك تلفها

-

متعب التركي


............


مرّني طيفك وطيفك صاحبي مدري عدوّي
* جايبٍ صوتك وصوتك سكة الذكرى الحزينة

قال أنا جوّي تكدّر قلت: ما هو كثر جوّي
* قال فرقانا غبينة قلت: وأكثر من غبينة

قال: أنا بأموت من غيبتك قل لي ويش أسوّي
* قلت: أنا أبغى الموت في غيبتك قل لي بس وينه


-

فهد المساعد




.

المصدر: الملتقى الجماهيري للشاعر محمد بن فطيس المري

ما ارقى بووح الشعراء صحت السنتهم ولا هنت رشيد

للانتقاء الراقي


تحيتي وتقديري وتقيمي

مراجك رائق اخوي رشيد
تسلم على هالطرح العذب
ودي

يسلمكم ربي يا احبابي