@ صوت السلوم وصدى السديري @ مساجلة بين الأمير محمد الأحمد السديري وعبد الله السلوم

@ صوت السلوم وصدى السديري @ مساجلة بين الأمير محمد الأحمد السديري وعبد الله السلوم

السلام عليكم ورحمة الله وبركاته جميعاً مشاركتي الثانية بقسم ( الصوت والصدى )

بهذه المساجلة الرائعة والجميلة لعمالقة الشعر النبطي بالجزيرة العربية كل من

الشاعر الأمير محمد الأحمد السديري والشاعر عبد الله السلوم

وكانت البداية بقصيدة الصوت مع الشاعر عبد الله السلوم

باقي من الذكـرى رسـوم للاطـلال

هوج الريـاح العاتيـة مـا محتهـا
اظنهـا تبقـى علـى مـر الاجيـال
تفيـد عـن قـدرة يديـن بنتـهـا
ارض نشا فيها مـن الخلـق نـزال
وشخص عشقته عاش في ناحيتهـا
ان غبت عنها شفت من ضيقة البال
ما يلحـق النفـس العليـة عنتهـا
وان جيتها عقب التباطي والامهـال
فرجلي تسير اليـن تاصـل جهتهـا
واقف عليها وارسل الطرف يجتـال
والرجـل ماكـن البسيطـة تحتهـا
تموج كنـي واقـف فـوق زلـزال
وعينـي تضيـق بعبـرة حابستهـا
اخاف يـدري بـي حسـود وعـذال
حيث العيون دموعهـا هـي لغتهـا
يا شيخ واقلبي عليه الصبـر طـال
وراحـت مسراتـه سريـع فوتهـا
يا شيخ كلن قدر مـا يحتمـل شـال
وانا حمولـي كيـف نفسـي قوتهـا
نفسي لها عن لـذة العيـش سـلال
تتـوق لاخبـار القديـم وسنتـهـا
ولا الغـرام بعشقتـي طقـه الجـال
واصبح جنـازه والسنيـن اقبرتهـا
ولاعاد لي ملحوظ في الواو والـدال
فلت يدي صفحة والاخـرى طوتهـا
واصبحت من عقب المخاطر والاهوال
اجنـب الحيـة واعـاف شجرتهـا
يا مير بينـت السبـب لـك ولا زال
في النفس حاجة وانكفت ما قضتهـا
يا مير شخصٍ ياصل الحبـل بحبـال
وشخصٍ يسره يـوم يقطـع بتتهـا
وانت العديم معـرب الجـد والخـال
ونفسك مراقيـب الشهامـة علتهـا
خذها شهادة واحـد مـا بعـد قـال
كلمـة نفـاق يرتـجـي منفعتـهـا
والناس يا بو زيد من كـل الاشكـال
من شاف عثرة عاثـر مـا غمتهـا
الا الـذي ماللـردا فيـه مـدخـال
هذاك ابـو نفـس يحصـل بختهـا
وقت مضى له حال واليوم لـه حـال
وارجي من المولى حسـن خاتمتهـا

وكانت النهاية بقصيدة الصدى من قبل الأمير محمد الأحمد السديري

لاباس يا لابس من الـود سربـال

ياللـي بيوتـك حكمتـك فاتلتهـا
مثل الذهب ما ضعفت بيت ولا مال
من الجواهر فيض عقلـك نحتهـا
ابيات عن شعر لغيرك بها انفـال
ابدعـت بأولهـا وفـي تاليتهـا
ماجور يا شاكي هوا زين الاقبـال
الجادل اللي لـك تعـوج ارقبتهـا
الياس لا يبعدك يـا ذرب الافعـال
اتعب قدم رجلك على ما شتهتهـا
الرجل سقها بالرجا وطلب الفـال
وسعدك بتالي خطوة قـد خطتهـا
وانا معك بالحال والـراي والمـال
وارجي عسى المولى يحل شركتها
اقطف زهر مالاق والعمر باسمـال
والحق هـوا روح لـروح بغتهـا
عب الهوا عبه على كل الاحـوال
واخلص لمن بالود عينك رجتهـا
اشرب يابن سلوم من در الاهجال
والنفـس وصلهـا لـدار دعتهـا
النفس روضهـا والايـام باقبـال
توذيك كان ان الهمـوم سهجتهـا
وعن الكرا عيني بها ذعر وجفال
وشواطن مـن سهرهـا داعبتهـا
شواطن ما بيـن نـازل ورحـال
البارحه يـوم الطـواري حدتهـا
يوم انها شافت غريبـات الامثـال
ابيات مـن نظـم غريـب قرتهـا
تاهت لنجم الجدي بالليـل تختـال
وسبـع النعايـم كنهـا حاضنتهـا
العين هاجت واصبح القلب يجتـال
وذكرت دار قبـل رجلـي وطتهـا
انشد وتلقاني من الحـب مكتـال
وعيني غزيرات الدمـوع ذرفتهـا
يجذبني الهاجوس في راس ماطال
وكل هضبة رجل العنـا مشرفتهـا
وقلبي بحرف الواو والدال مـازال
يهيم بريـاض الغـرام وسعتهـا
لو كنت بايام شديـد بهـا الـلال
النفس لذات الهـوا مـا نستهـا
عسى يسقيها من الغيـث همـال
من مزنة تمطر والأخـرى قفتهـا
شوف الزهور وريحها ينعش الحال
وكم غرسة بيدي قطفـت ثمرتهـا
للريم فيها يا بـن سلـوم مدهـال
وغـر المـزون بوبلهـا عللتهـا
شاحت لها عيني وقلبي لها مـال
تذكـرت خلانـهـا واعرفتـهـا
شاحت تراعي للروابـي والاقـذال
بايام طـرد الصيـد يامـا رقتهـا
بالقلب ذكراها صبغ صبغة الخـال
في خد عـذرا خلقـة الله زهتهـا

في الختام لا يسعني إلا ان أقول بضية هذه الجمعة الطيبة المباركة

رحم ربي السديري والسلوم وغفر لهما ان شاء الله وشملهما بواسعة رحمته

اللهم آآآمين يا رب العالمين ..

في الختام يا كرام

لكم خالص الشكر والتقدير والاحترام

مني أختكم في الله جميعاً حروف من نور ..

المصدر: الملتقى الجماهيري للشاعر محمد بن فطيس المري

ماشاء الله قلبي
وربي تجنن القصائد
ومايحتاج عمالقة شعر
وهذا يدل على ذووووقك الراقي
الله يحفظك يارب

الله يرحمهم رحمة واسعه

ولا زالت قصائدهم تتبادلها الاجيال

صح السنتهم وصح ذوقك اخت ِ حروف ولا هنتِ على هذا الجمال

طرح راقي ومميز وانتقاء كما عودتينا انتقاء زاخر

لا حرمنا هذا الحضور من شخصك
ولا خلا ولا عدم
اخوك
ابو مشاري

الله الله الله

حروف من نور اشهد لله انه اسم على مسمى انرتي القسم

بهذه المساجله الرائعه بين عمالقه من عمالقة الشعر الشعبي

تسلم يمينك ورحم الله الشعرا

تحياتي وخالص تقديري

ابدعتي الاختيار وتميزتي فيه
الله يرحمهم جميع
تقبلي مروري
شكرا





تحياتي