الحمد لله يوم حبلك عقدني

الحمد لله يوم حبلك عقدني

السلام

تثاقلت خطوات رجلي على البيت=والليل هيجن هالغياب وقصدني
يمسافرة قلبي على كف عفريت=من يوم رحتي والقصيد ايهجدني
من غير شر ودمعتي يوم صديت=من هالزمن واللي فقدت وفقدني
وحس هالساعه اوقفت والزمن ميت=ماكنه بعد اسبوع قلبك وعدني
يمسافرة ردي تراني تريت=والبرد خيم بالضلوع وجلدني
ماكنت مستهتر ولا يوم دقيت=على رقم بنـتن ولحدن نقدني
على طريق الوالد وما تنحيت=عن دربه اللي بالمكارم عهدني
فديت احاسيسك معاي وتفديت=قلبن معك كل مافقدني وجدني
سكر على ملح وتوابل واتيكيت=وجمرن على طبخ القصايد وقدني
بيت القصيد ايصير في وصفك ابويت=والشعر حتى الشعر فيك ايحسدني
لاجيت ابكتب فيك يالغاليه بيت=صد وتنكر لاكتبت وجحدني
مثلك فلا مر بحياتي وتمنيت=والحمد لله يوم حبلك عقدني
متربيه في بيت عفه واهل صيت=عم النسايب قالها اللي نشدني
ويمسافرة قلبي على كف عفريت=من يوم رحتي والقصيد ايهجدني

الشاعر : حسين الحواس

المصدر: الملتقى الجماهيري للشاعر محمد بن فطيس المري

وعليكم السلام ورحمة الله وبركاته ,,

هلا مرحبا يامدمن صح الله لساانك وصح قلبك ولاهنت على هالابيات واتمنى لك التوفيق ياغالي ,,

تحياتي وتقديري لك.

اقتباسالمشاركة الأصلية كتبت بواسطة خالد العبيريدوعليكم السلام ورحمة الله وبركاته ,,

هلا مرحبا يامدمن صح الله لساانك وصح قلبك ولاهنت على هالابيات واتمنى لك التوفيق ياغالي ,,

تحياتي وتقديري لك.


صح لسان شاعرها

مرورك اسعدني وافرحني

اسف ع الرد متاخر توي دخلت النت

شكرآآآ

صح لسانك
وسلامة قلبك

ماشاءالله عليك
هذا وانت مدمن الجزيره .