بخيت السناني + راشد السحيمي => من الطراز النادر

بخيت السناني + راشد السحيمي => من الطراز النادر

السلام عليكم ورحمة الله وبركاته
هذه محاورة شيقة ورائعة من روعة شاعراها شاعر الحكمة بخيت السناني والشاعر القدير راشد السحيمي

فتل ونقض لشاعرين كبيرين من شعار المعنى \

أترككم مع هذه المحاورة النادرة
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
بخيت
مراية الأيام غشتني بتغيير المقاس=تصغر كبار العرب وتكبر صغار العرب
احدا من أول كنت احسب انه ذهب واصبح نحاس =واحدا من أول كنت أحسب انه نحاس امسى ذهب


راشد
ماهو غريب تشوف ناس مسترة بثياب ناس = لكن ماتقدر تفتش بالثياب بلا سبب
ان طعت شورى حط راسك مع مئة مليون راس= حط الخشب فوق الحديد بنار ويضيع الخشب


بخيت
حنا بلشنا بالمظاهر والبلا تحت اللباس = دنياك ماضيها عجيب وياقي الدنيا عجب
أيامنا فيها وفيها لاذعاَ كهرب وماس=واهيلتي منها تذل الراس وتعز الذنب


راشد
مهما يكون الجدر مايمكن يقوم بدون ساس=والساس يبغى هندسة والجدر يبغى له تعب
أيامنا حتى الكلام العايدي فيه اغتلاس= عندك خبر في قصة اللي قال حامض ياعنب


بخيت
كم واحدن يتعب على الساس وتحت الساس باس=والباس تبديه الليال السود واليوم الصعب
الناس داخلها بلا غير التثاوب والعطاس =مدري متى تمطر مزون الصيف ويطيب الجرب


راشد
كافح لكن اهم شي مكافحة من دون ياس= واللي تقصر فيه دقن الرجل يوفيه الشنب
اصحى يعديك الغضب ولا يعديك الحماس= مايشتمون الطيبين الا قليلين الأدب


بخيت
راع الشداد وراعي المشلح يريس ولا يراس=خل الوصاة لمن تلبس له عباة بلا قصب
سبحان من يعلم دبيب النمل باليل الدماس =هذي حقيقة يالسحيمي لا حماس ولا غضب


راشد
لا والله الا صاحبي مستخدم الخمس الحواس = يحق له لكن لاعب مايخرب منتخب
يمكن تدور أيامنا ويصير بالوضع انعكاس= ان دار وان مادار تبي يايدين أبو لهب

المصدر: الملتقى الجماهيري للشاعر محمد بن فطيس المري

والعالم انها تكفيني من المحاوره كلها بيتين بخيت السناني
مراية الأيام غشتني بتغيير المقاس=تصغر كبار العرب وتكبر صغار العرب
احدا من أول كنت احسب انه ذهب واصبح نحاس =واحدا من أول كنت أحسب انه نحاس امسى ذهب

ياسلام ياسلام ابداع وربي وين الاعلام من هذا العلم
وربي اني اشوفله مستقبل زاهر وراقي
ونعم في جهينه ماتجيب الا الجزل هههه

نعم بحالك ,
ودعواتك لبخيت السناني , بالشفاء العاجل
لآن صار له حادث قبل سنتين , وللأن متدهور بسببه