لا تكثر الشكوى على غير أهلها

لا تكثر الشكوى على غير أهلها

لا تكثر الشكوى على غير أهـلها
................. لو يلحقك من غيض الأيام صادوف

الناس فيها يا أبيض الوجه بلها
................. وفيها على شــذب العراقيب ملقوف

وما دبر المـــولى يعوضك بدلها
................. ربن كــــريم ويجلي الهم والخــوف

وإخــذ العبر والطيبه مــن مثلها
................. لا تنزوي مـا بين قيــعان وجــروف

عز الفتى سِعد المـــراجل شملها
................. ما تزرعه من خير يحصد بمعـروف

بيــض النوايا لـــو قليلن عملها
................. أخــير من كثرن على غير مخــلوف


فهد ثامر المرزوقي

المصدر: الملتقى الجماهيري للشاعر محمد بن فطيس المري

صححح لسآااانك فهد
روعه الابيآت قصائدك غييير . .
الله يحميك يآرب

بيــض النوايا لـــو قليلن عملها
................. أخــير من كثرن على غير مخــلوف
بيض الله وجهك
لا زال الشعر بخير وانت تكتبه
تقبل تحيتي وتقديري لشاعريتك الفذه
أختك ترانيم

صح لسانك اخوي فهد
في شعرك ارى شيء مختلف
يروق لي دائمآ

بحق انت شاعر مبدع


تحياتي

مشاء الله تبارك الله ياخوي فهد عساك للجنه
قصيده جزله ونعم بالقصيده وصاحبها
صح الله لسانك والله لايهينك

لاتبدي الشكوى على غير اهلها
افضل من لاتكثر الشكوى على غير اهلها وجهه نظر فقط
صح السانك على البويتات المميزة

شاعرنا القدير فهد

لاهنت وصح لساااانك

ابيات من ذهب

تقبل مروري واعجابي

ابن حريبي الدهيمي

بيــض النوايا لـــو قليلن عملها
................. أخــير من كثرن على غير مخــلوف


بيض الله وجهك ولاهنت يالغالي
مافيك حيله يالبقمي تحبكها حبك
وعيني عليك بارده وسلمت من كل شر
لاهنت وسلمت

الماسه

ترانيم المطر

العنيده

مشاعر مجروحه

يامرحبا بإخواتي الفاضلات صحت ابدانكن جميعاً ولا هنتوا على الحضور الجميل والعذب

دمتم بحفظ الرحمن

بيض الله وجهك وصح بدنك اخي مبهذل الشعار