عقده الرابع ...!

عقده الرابع ...!

أيها الأحبة :
مبروك عليكم قدوم الشهر الفضيل . جعله الله رحمة علينا وعليكم وعلى الأمة الإسلامية جمعا
..............
..
..
..............
رباه ؛ عبدك حنت ظهـره مساويّـه
..................... من غيل ذنب الهوىَ متروّي وشابـع
.
من شبّته ؛ يزرع السيّة ؛ على السيّة
..................... لين انتحىَ ؛ في مسارب عقده الرابع
.
يتبع هوىَ النفس لين أحفت خطاويّه
.................... و(إ) جناح ذلّه هوا به دركه السابـع
.
هجير ذنبه يزاور بـه ؛ مـن الفيّـة
.................. وبركان خوفه ورى ؛ كينونته نابـع
.
متمرجحٍ بيـن ؛ غابيّـه ؛ وباديّـه
.................. هذا يجـرّه ولاخـر يلـوي الضابـع
.
في نظرتـه تبـدو اللوحـة رماديّـه
................... لا لـون فيهـا ولا تدريـج متّابـع
.
تنم عـن رسمتيـن شبـه عفويّـه
.................. عصفور خايف ؛ ونسر مخلبه جابـع
.
رباه ؛ عفوك على ما كان مـن نيّـة
.................. عبدك بطبعه جهولْ ؛ وعفوك الطابع
.
رباه ؛ وشحيلته لا جـات عصريّـة
................... النود تذري ؛ وعبدك فاللحـد قابـع
..

..

المصدر: الملتقى الجماهيري للشاعر محمد بن فطيس المري

رباه ؛ عفوك على ما كان مـن نيّـة
.................. عبدك بطبعه جهولْ ؛ وعفوك الطابع




::

الله يبارك فيك يَ الغالي..وكل عام وانت بخير

كـ عادتك جزل..ويعجبني حسِك الشعري

أبيات مليئه بالشعر والصور الجميله..

صح لسانك أخوي محمد..
ولا عدمناك

صح لسانك يامحمد مبطين عنك والله اخر عهدي فيك لقاء الكويت


شاعر فحل ونعم والله استمتعت بقصائدك كلها للامانه


صح لسانك مدد لا عدد يالغالي


لك تحيه

صح الله لسانك ,, وبيّض الله وجهك ,,

الله يباركلك بشهر وتسلم عد الرمل والبحر وزياده
قصيده جزله من راس جزل لاهنت
وهلابك وبقصائدك جميعها مميزه
وانت مميز

ارحب يامحمد السالم من طول الغيبات جاب الغنايم

وينك اشتقنا لي ابياتك الرااائعه

وصح السانك على القصيده ابيات لا يجيدهاا سواك

تحياي وشكري وتقديري لسموك

مررت