من جديد زميلنا فهد الهباش القحطاني

من جديد زميلنا فهد الهباش القحطاني

مساكم الله بالخير ...
قصيدة ( الدور عقب الدور عاجل وتأجيل )
من جديد زميلنا الشاعر : فهد الهباش القحطاني.
الله يرده بالسلامة .. فهو يمر بظروف خاصه
وقاسية متأكد أنه سيتجاوزها ان شاء الله في القريب
العاجل ويرد لنا بكل سلامة .
ولا شك أنه من الشعراء والأخوان الذي أعتقد أننا
جميعا مشتاقين ومترقبين لعودتهم .
أعجبتني الأبيات بعد ما أطلعت عليها قبل فترة منه
خصوصا أنه حدثني عن موقف معين أحتفظ به
أعتقد بأن هذه الابيات ناتجة عنه.

أترككم مع القصيدة ، وأعدكم أن أواصلكم بجديدة
لو تمكنت من ذلك ، لكن ان شاء الله يرجع قبل.


الصبح يبلج ضايق الصدر نوره
ياما خفيت بخاطري وحشة الليل

البارحه بالذات يا كبر جوره
كسّر مجاديف الحشا وانهك الحيل

سيل العباير يوم بين حدوره
احاول اردّه بجر المواويل

واعلن علي من يوم غنّيت ثوره
يا ويل خدي من دموع ن هماليل

عين ن تهل وعين منها غيوره
كنها سباق الخيل في ساحه الخيل

ياليت فيهن من تبيّن قصوره
ترحم سهير الليل من جرة الويل

ترحم حزين ن ما تقاصر شبورة
تعرف مواقيفه زحول الرياجيل

شاعر ويغرف من جزايل بحوره
من حكمة اﻷول ومن ثمرة الجيل

نفسه على صكات بقعا جسوره
ما هزّته غاراتها بالمكاييل

الادمي لو كل شي ن بشوره
ما ضاق من دنيا العنا والغرابيل

لاشك من لا صار نفسه صبوره
حكو به العالم قروم ومهابيل

لا يحسب ان الحظ يلعب لدوره
الحظ ما هو دايمن بالتساهبل

لو طاب له يوم وتبيّن سروره
لابد ما يشكي العنا بالمقابيل

دنيا تلاعبه مثل لعب كوره
الفوز في تطبيلها كذبه ابريل

كلن من الأيام يأخذ حذوره
من شاف نجم سهيل لا يامن السيل

انصحك ياللي غافلن في دبوره
إلحق زمانك عاد بالوقت تعديل

من زوّد اللاهوب غشّت قدوره
ومن خفّف اللاهوب ماله محاصيل

واللي عدلها ما تعاسر أموره
مجمّلن بين القروم المشاكيل

أخذت في دنياي دوره ودوره
مرن هنى وأكثر حياتي بهاذيل

واللي طيوف حلوم ليله تزوره
تراوده في مقبل العمر ويميل

شرب المراره عهد سن البزوره
يخاف لا يمّه تساق الفناجيل

ولا يرد الجول كون المعوره
كلن يبا ياصل كبار المواصيل

الأرض مدّت والبيوت معموره
وتبقى العقول النابغة دون تظليل

والخاتمة كل القبور محفوره
الدور عقب الدور عاجل وتأجيل
...................................

المصدر: الملتقى الجماهيري للشاعر محمد بن فطيس المري