كيبورديه لموقف (قالو ثمانيين عام )

كيبورديه لموقف (قالو ثمانيين عام )

قالو ثمانين عام وقلت باقي ثمان = ضيفو عليها ثمان وقسموها رباع
قالو لك الشعر يكتب قلت يامستعان = ليّه عقل يحتميني من كلام الضباع
قالو عنيده وقلت الضعف ما له سمان = ماني بسهله تقاد ولا نويت الضياع
قالو علامك قويه او سليطة لسان = قلت الحقيقه تراني منصته باستمااع
انا بعالم غريب وشفت فيه الجنان =خالطت عقل الكبير وشفت بعض الرعاع
وشفت المهبل يصبون العسل للحسان = ويدني جلابيب من زين الحكي بانصياع
ان قلت له والشهامه قال مابه امان = وإن قلت له والاخوه شفت منه اليراع
هذا زمن مات فيه الطيب والغدربان = واستسيد الثعلب الشرير لام القناع
ياهيه ياللي وثقتي ما بوقتك ضمان = ما تدري ان الزمن ما فيه غير السباع
لابد ما ينكشف ويبان لك هرج فتان = موال غدره يجرك يا حسين الطباع
الخير والشر ما له بالزمن والمكان = لو سارت ابك السفينه لازمن لك شراع
اعمل لدنيا كأنك ما تغادر زمان = وخلك زهيدن بدنيا لاجل كسب المتاع

المصدر: الملتقى الجماهيري للشاعر محمد بن فطيس المري

صح السانك مليون ولا يكفون اختي ترانيم المطر

وبيض الله وجهك

تعبير منقطع النظير وافيه وانا اخوك وافيه في قصيدك وفي علومك كلها

تحياتي وتقيمي

الله الله
صح لسانك واعتلا شانك
والنعم فيك يا ترانيم المطر
شعرك عالي مقام وانتِ عالية قدر
وحرفك عن روس الرعاع إللي ذكرتي
أحيي فيك هالحس النقي والفكر المدرك لما حوله
صحححححححح لسسسسسسسسانك

حياك الله ترانيم المطر ,,

حدث ولاحرج يتجدد الابداع الا ابداع وقمم في جزالة الحرف والمعنى ,,

صح الله لساانك يالجزله وصح كلك ولاهنتي على هالمعزووفه المعبره ,,

لك كل الشكر وكل التقدير وخالص المتابعه ,, خالد العبيريد يترقب كل جديدك .

اقتباس المشاركة الأصلية كتبت بواسطة فهد ثامر البقمي صح السانك مليون ولا يكفون اختي ترانيم المطر وبيض الله وجهك تعبير منقطع النظير وافيه وانا اخوك وافيه في قصيدك وفي علومك كلها تحياتي وتقيمي

الشاعر القدير فهد
أسعدني تواجدك
الرةعه هي أنت ومرورك الكريم
متابعتك شرف طال عمرك
تحياتي وتقديري
ترانيم

اخر اخبار
الشعر مع مراسلنا في مدينة ابها سعيد محمد القحطاني
اخي سعيد ماهي اخر الاخبار المتوفره لديكم

نعم لايزال الإعصار الترانيمي الممطر يواصل زحفه
المخيف وكان اكثر المراقبين يتوقعون ان يتحول الإعصار
الى عاصفه استوائيه ولكن لم يحصل ذالك
بل واصل الإعصار عنفوانه واجتاح جميع الشواطئ
حتى اصبحت اليابسه امواج بحرٍعاتيه اختي
ترانيم صح الله لسانك هذا اقل وصف ان اصف به
شعرك هنا وهناك تقبلي تحيات اخوك سعيد ولاهنتي

صح لسسانك ياترانيم المطر ..

وهطولك كالعاده .. يثلج الصدر ويبهج ويثري الادب

شاعره متمكنه واحرف من ذهب لا يستغرب منك صياغته

ولا حرمنا هذا التواجد الطيب

ولا خلا ولا عدم

أخوك
أبو مشاري

ترانيم المطر

صح لسسانك

قصيده جزله من شاعره جزله ومبدعه

بنتظار ابداعاتك

احرف من ذهب + مبدعه + متمكنه


صصصصح لسانك مليون و28

اقتباس المشاركة الأصلية كتبت بواسطة عامر الشنيف الله الله صح لسانك واعتلا شانك والنعم فيك يا ترانيم المطر شعرك عالي مقام وانتِ عالية قدر وحرفك عن روس الرعاع إللي ذكرتي أحيي فيك هالحس النقي والفكر المدرك لما حوله صحححححححح لسسسسسسسسانك

القدير عمر الشنيف
لقد أسعدني تواجدك المميز
وأنا أحيي حضورك ولا عدمت وقفتك الصادقه
تقبل ارق التحايا وأعذبها
ترانيم