أشعل حنينه في قلبي .. واغترب ..

أشعل حنينه في قلبي .. واغترب ..

أشعل حنينه في قلبي .. واغترب
وأشغل عيوني في تصوُّر عيونه

من بعدها سافر .. وماعاد اقترب
وقلبي يعاني الشوق ، دايم بدونه

شرّبني بُعده ، ومِن حبي شَرَب
واسقاني: "طول البُعْد" .. وإختار لونه

أعطيته قلبي ، وإحساسي .. وهرَب
واعطاني حبه .. وحلَّفني أصونه

رَوَّح وخلاني في شك ومربّ !
أغضب لهجرة ، أو أفرح لصونه ؟

نساني نفسي ، وناسي ، والعرب
قلبي وعيوني وروحي .. يفتدونه

أصبحت بعده "حزين و مظطرب"
مدري أصون الحب ، ولا أخونه !

يصعب على قلبي لحظه .. يغترب
ينسى حبيب العمر ، ويحب دونه

لانّه على هالناس في قدره غلب
متربعٍ قلبي .. والعالم يلُونه

لانّه أنا .. وأقصى شرقي والغرِب
لانّه وطن "مشتاق .. نشفت جفونه"

مقدر على شوقه ، وما أقوى الهرب
وماقوى على نسيان .. ضحكه حنونه !

المصدر: الملتقى الجماهيري للشاعر محمد بن فطيس المري

روووووووووووووعه
تسلم

يعطيـــــــــــــــكـ الف عافيه على النقل المميز ابدعت في الاختيار

سلمت آلآيآدي .. ويعطيكَ آلعافيية ولاهنت

يعطيكم العافيه ..

على المرور الاكثر من رائع ..

اسعدني تواجدكم ..

احترامي ..

^_^

كلمآآآت رآآئع ..
مآآننحرم من جديدك وإبدآآعك ..
ودي ووردي ..