يامركب الاوهام في بحر الاوهام ,,

يامركب الاوهام في بحر الاوهام ,,

بسم الله الرحمن الرحيم ,,

السلام عليكم ورحمة الله وبركاته ,,

اسعد الله صباحكم ومسأكم بكل خير وكل سرور وسعادهـ ,,

اقدم ابيات متواضعه وتحمل معانيها للشاعر القدير سعيد محمد القحطاني وكلي امل ان تنول اعجابه واعجابكم جميعا ً وللجميع وافر الاحترام وكل التقدير ,,

يامركب الاوهام في بحر الاوهام=ياطول سيرك والفوايد على ماش
الي مضاله عام والي خذا اعوام=والي خذاه الموج من عقب ماطاش
عشنا وشفنا منك لوعات الاحلام=وتأثيرها نكماه في داخل الجاش
مانشتكي نصبر على مر الايام=وعظامنا ماهي ضعيفات وهشاش
نصبر على المكتوب ونرضى بالاقسام=دام الشهامه غاية الراس لاشاش
وقد قيل منهو ضام لابد ينضام=وقد قيل منهو يترك الحق ماعاش
والا انت يلي للصعيبات عزام=يلي مناهيجك صعيبه على اللاش
اخص ابو محمد له القيل مقدام=عوام بحر الشعر بالعزم لاطاش
ابن الرجال الي لهم قدر وحشام=اهل المروه لاحصل وقت الابلاش
من راس قحطان الشهامه والاكرام=اهل الصخا لاصار فالوقت شوباش
نصاك قاف ٍ قاده العرف بخطام=فيه المعاني ناصعه كنها الشاش
يوم الحقيقه طيرها فالسما حام=ساحر عمان يغض عينه بالارماش
سوق الغلا نلقى به الصوف والخام=ولانقبل البيعه من كفوف غشاش
هاذي تعابيري وتبصيم الابهام=ولاني على سر المخاليق فتاش

وسـلامـة نـواظركم ,, خـالـد الـعبـيريد .

المصدر: الملتقى الجماهيري للشاعر محمد بن فطيس المري

صـح لسانك وبيض الله وجهك
سعيد يستآهل .. ربي يسعد قلوبكم

وعليكم السلام ورحمة الله وبركاته
ارررررررررررررحب يبو سهيل حيااك الله يا الغاالي
صح الله السانك وعتلا شانك
شاااعر مطنوخ شعر وقصيد واسندها على شاااعر مطنوخ شعر وقصيد
ابداااع يبو سهيل وبيض الله وجهك وفي انتظار ابو محمد وصح الله السانه مقدما
تقبل مروري المتواااضع

جود ,, الشنيف ,,

ياهلا ويامرحبا فيكم يالغوالي ,,

صح الله بداانكم وصح قلووبكم ولاهنتم على حضوركم المضئ والتعليق المميز بارك الله فيكم ,,

كل التقدير والشكر لكم ولاخلا ولاعدم .

اخوي خالد صح السااااااانك شاعر جزل ومميز امتعتنا بشعرك الجزل

وسعيد يستاهل وبيض الله وجيهكم جميع ننتظر رد ابو محمد ولو انك صعبت عليه الشطر الاخير

لاكن ابو محمد شاعر متمكن وانت مبدع الف تحيه لكم جميع وتقبل مروري المتواضع

اررحب يابو حمد حياك الله ,,

صح الله بدنك وصح قلبك وكلك ولاهنت ياغالي حضورك وتعليقك هو الجزل طال عمرك ,,

واي تصعيب يارجل ترا كلها 12 بيت فقط والعجز اش سهل جدا ولايعصب على شاعر متمكن او غير متمكن طال عمرك ,,

في البدايه والنهايه صح كلك ولاهنت لك كل الشكر والتقدير ياغالي وخالص تحياتي .

شاعري وأستاذي الكريم كلمة صح لسانك
جمله تكررت وتذيلت كل ما سطرته أقلام الشعراء حتى من ابتلي بهم الشعر
قيلت بحقهم لذالك ارى انها غير كافيه ولا املك
سؤا اقول سلمت يمناك وعاش راسك وسلم فكرك
وسلم قلبك وكلك ووفقك الله. دنيا واخره والشرف لي
انك اسندت لي هذاه ألقصيده التي تحمل بين
سطورها كل مايستحق ان يطلق عليه عبارات الإبداع
فا كلي معاذير يبو سهيل وانت أخير من يقدر معاذير
الصديق الصادق مع ايماني اني لن افوي بحق هذاه
الشامخه في ردي الف شاكر ومقدر لك ولاهنت

خالد العبيريد
ابداع حرفك يلزمنا المرورلنستزيدمن نبع ماءك الصافي
لاهنت خيي وتقديري لحرفك ورقي مفرداتك الشعرية المميزه
ويستاهل خيي القدير سعيدفالكم الطيب وجعل السعادة ماتفارق محياكم
وردالكون لارواح تسكنكم دمتم ك نجوم السماء وقمرالليل

صح الله لسانك ياخالد وانت شاعر وافي وسعيد يستاهل الخير وكلكم وجيه خير
قصيده جزله من راس جزل يبو سهيل وشهادتي فيك مجروحه
فوق هام السحب ياصاحبي

صح السانك يالغالي ولا هنت على هذه المعزوفه الرائعه
والجميله من شاعر متمكن يعرف كيف يصوغ المعنى
بفكر متعقل وفاهم بالامور ما شاء الله عليك
واسندتها لشاعر جزل ومتمكن الا وهو اخينا الشاعر
سعيد محمد القحطاني
الله يوفقكم ويسعدكم وتستاهلون كل خير
اخوكم المحب فهد