لكسب الخبره .. للمبتدئين

لكسب الخبره .. للمبتدئين

بسم الله الرحمن الرحيم

السلام عليكم ورحمه الله وبركاته

اخواني اخواتي .. المبتدئين بشعر


اليوم جايب لكم فكره حلوه تكسبكم الخبره بشعر ...

كل يوم اجيب لك بحر واعطيك تفاعيله ومثال عليه وانت حاول تكتب من بيتين الى اربع ابيات

وانا بقول لك اذا بيتك مكسور او موزون .. وهذا راح يكسبك الخبره والسيطره على الشعر


نبدأ باول بحر متدارج بين الشعار وسهل وكثير منهم يكتب عليه


(( المسسسسسحوب ))

تفاعيل البحر المسسسحوب هي : مستفعلن مستفعلن فاعلاتن ... مستفعلن مستفعلن فاعلاتن

مثال على البحر المسحوب

يا صاحبي .. الشعـر/الوسيله غدى الـحــور
.................... شـف كيف فــهــم الــنــاس أســقــم وأدمـــى


أمــَــا كفى !! غـفـلـه وشـاعــر و جمـهـور
.................... نـحــْـلم ونشرب طــيـن ! والناس بالــمـــا

طيـّـب و صـفــّـق شـلــّـه/غلاف وحــْـضور
................... طـيــّب و غـنــّـى كل فاســق و أظــــمــــى


يالله وروني الهمه .. وان شاء الله افيدكم وتفيدوني


اخوكم / ميولي شعر

المصدر: الملتقى الجماهيري للشاعر محمد بن فطيس المري

يعطيك الف عافيه من جد موضوع تستحق عليه التقيم

نحن في حاجة هالموضوع
خاصه لمن يعشقون الشعر

راح اتطرق لجميع البحور اختي

وهذا اول بحر واتمنى اشوف عليه مشاركات


بانتظار مشاركاتكم

اشكر لك مرورك اختي الكريم

طيب راحة اجرب اول تجربه الحين

أسهر طوال الليل والهم ماراح
ترافق العبرات كثرة ونيني

ياليتني أعيش بدنياي مرتاح


وأقضي الهنا فيما بقى من سنيني

ما اعرف صح ولا غلط علق عليها
وين الخطأ

موضوع رائع
يعطيك العافيه


وهذي تجربتي


تمر أيام وسنين والهم ماراح

دايم يسايرني بدربي ما يفارقني

وان جيت بضحك هم القلب ما انزاح

يحرص على حزني وضيقي لو ثواني

أشكي جنون [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] للبحر والطير وألواح

وأسابق الريح للفرح والأمل يقويني

أبصبر لعل بعد الاحزان أفراح

وأبكتم دمعتي والحزن حيل يطويني

والله صراحة طرح مميز وراقي
وكثير دورت في النت عن مثل هالدروس
بجد تسلم الايادي

وان شاء الله تعالى لي عودة
جزاك الله كل خير

من جد موضوع حلو مميز
وانا كان ودي اني اكون شاعره
بس قسم لو اكتبلك ابيات لتنجلط
مع اني اعشق الشعر وبجنون
الا اني مادبر فيه ولا كلمه
وتسلم اخوي وبتابعكم من بعيد وان شاء الله استفيد
واذا كتبت قصيده برسلها الك ع الخاص عشان
ماينجلطون المنتدى ههههههه مو قصدي اجلطك بس لانك قوي وتتحمل

قال الذي ترجم معانيه بالدور=ما فادني شطبي على بعض الاسما

اما تجيني ذكرياتي على الفور=والا تصادمني تعابير الانما

ماجور يا قلب به الهم ماجور=يثر على عقله ويسعفه الاغما

اخي العزيز ميولي تسلم على هذا الموضوع الرائع

واليك مشاركتي وامل ان تكون في محلها تقبل تحياتي وخالص تقديري

اقتباس المشاركة الأصلية كتبت بواسطة علمتني الحياه طيب راحة اجرب اول تجربه الحين أسهر طوال الليل والهم ماراح ترافق العبرات كثرة ونيني ياليتني أعيش بدنياي مرتاح وأقضي الهنا فيما بقى من سنيني ما اعرف صح ولا غلط علق عليها وين الخطأ

اختي عندك صور اكثر من رائعه وتفتقدي الوزن

اسمعي شيلات شعريه واقري قصيد وحاولي الكتابه

اكيد في يوم راح تنجحين وتكوني مبدعه

اقتباس المشاركة الأصلية كتبت بواسطة ~ :: صمتـ الوداع :: ~ موضوع رائع يعطيك العافيه وهذي تجربتي تمر أيام وسنين والهم ماراح دايم يسايرني بدربي ما يفارقني وان جيت بضحك هم القلب ما انزاح يحرص على حزني وضيقي لو ثواني أشكي جنون [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]للبحر والطير وألواح وأسابق الريح للفرح والأمل يقويني أبصبر لعل بعد الاحزان أفراح وأبكتم دمعتي والحزن حيل يطويني

اختي ركزي على القافيه وركزي على الوزن

حاولي تقري عن بحور الشعر

وراح يوم تنجحين باذن الله