ليتني أعمى

ليتني أعمى

ليتني ( أعمى ) و اشوف الحق شوف القلب ما هو بالعيون
العمى / بـ ( القلب ) ! ولا العين كم شافت ولا شافت حقيقه !!

كم تمنيت الحياه أنفاس ( حر ٍ ) .. تاه من خلف السجون .. !
لنّ هذا الصدر عاجز لو يحدّد بـ المدى من هو رفيقه .. ؟!


هو صحيح إن الفضا محتاج لحن الطير من فوق الغصون
لجل يتنفس ( صباح الخير ) لو صبح الأمل طافي بريقه ؟!


مختنق هذا الصدر من همهمة بعض الأغاني و اللحون ..
ياااه كم في داخلي من [ فوضويّه ] ما لها نهج و طريقه .. !!


ودي انسى في حياتي من أكون و ياترى ( انت ) شـ تكون ؟!
ودي انسى ( من أنا ) .. لجل انصف أحلام السنين المستضيقه ..


ودي اجرح / ودي أقسى / ودي أجفي ودي أغتاب و أخون ..
ودي اظلم مثل أي انسان عادي ودي انسى لو دقيقه .. !


الخطا لو كنت ( وافي ) في حياتك .. و الصحيح / إنك .. تخون !
لجل تمنع جمهرة بعض الوجيه الي تناظر بك طفيقه .. !


ليتني أعمى .. و اشوفك في خيالي زي ما ودي تكون /
ما بغيتك غير [ قلب ] .. يضمني له / من وساويس الخليقه !


صدقيني الحب : همسة شوق ، لمسة ذوق ، و احساس و جنون
وش لقينا مـ العيون إلا الدموع الي بها الذكرى ( غريقه ) ؟!


ما ذبح هـ ( الروح ) غير الانتظار القاتل و سود الظنون
وش هو يعني لو أشوفك / كان قلبك ما حمل للحب ضيقه ؟!


كان لك يا عيون قيمه ؛ ما يودعني و أنتم تنظرون !!
و كان ما ارضى في رحيل الي بـ خدّه مزدحم ورد الحديقه !!


خلني [ أعمى ] ولكن ! .. أملك الي عمركم ما تملكون :
النظر بعضه يشب بصاحبه من شوفة العالم | حريقه | .. !


و الظلام الي ذبحكم / [ نور ] في صدر العمى لو تدركون
كلما زاد الظلام اشعلت في جوف الصدر [ شمعة حقيقه ] !!

تحياتي لكم


سعد

المصدر: الملتقى الجماهيري للشاعر محمد بن فطيس المري

صح لسان شاعرها


انتقاء مميز




دمت بسعادة

ربي يعطيكِ العآفيهـ
وتسلم أيدكِ ع الطرح الرااقي
بإنتظارجديدكِ بكل شوق

ودي لكـ ..

ليتني ( أعمى ) و اشوف الحق شوف القلب ما هو بالعيون
العمى / بـ ( القلب ) ! ولا العين كم شافت ولا شافت حقيقه !!

... شاعر

ااالله ااالله عليك يااامبدع على هذه الجزله

لاهنت ولاهااان منقولك

وصح لساان الشاعر مليوون

تقبل مروري تحيه لك ولاتحرمنا جديدك

يسلم ربي دياتك
ع هيك طرح
يعطيك الف عافيه
لاعدمنا هالتميز