الأباء وغلا المهور...هل حياته مربوطه بمهر إبنته..

الأباء وغلا المهور...هل حياته مربوطه بمهر إبنته..

سبحان من يرزق بتوع الملاييـن
الرازق اللي ما يخيب الرجـا بـه

لي عم عنده معـرضٍ للصواليـن
أموت واعرف بس من وين جابـه <<<<<وش محرق رزك

وإذا سألته قـال بعـت الدكاكيـن
ما يدري إني ما هضمت الإجابـة

الشاهد إني رحت له قبـل يوميـن
في قصره العامـر ودقيـت بابـه

قال أرحب أرحب عدّد ورد البساتين
يا مرحبا باللـي لفـا يـا هلا بـه

قلت البقا عـدّ النفـل والرياحيـن
يا شيخ شمل أهل الكرم والذرابـه

قال اسلم الله يحفظك لي من العين
وآمر أوامر حضرتـك مستجابـة

قلت الصراحة طالبٍ قرب غاليـن
ودي تزوجنـي كريمتـك يـابـه

ثنّى وقال أهليـن والله وسهليـن
والكون ترخص لجل عينك رقابـه<<<<مصدق المسكين

لكن ترا عندي شـروط وقوانيـن
قلت اشرط اشرط يا حبيب الغلابـة

قال أولاً مهر العروسـة ثمانيـن<<<<<بدينا
غير الرسوم وغير حق العصابـة

والثانية عمك يبي منـك سبعيـن
رسم الأبـوّة والنسـب والقرابـة

وأم العروسة حقها منـك ستيـن<<<<<مين المتزوجه
عشانها ست الحسـن والمهابـة


وإخوانها كلن يبي منـك خمسيـن
عداً ونقـداً تنـدرج فـي حسابـه

وخواتها الخمس عطهن من ثلاثين
عشان تتوثـق عـروق النسابـة<<<<<لاوالله توثقت


وتجيب طقم عيار واحد وعشرين
وخاتم من الماس المصفى ترابـه

وأكياس متروسة كعوب وفساتيـن
ألوانهـا وأشكالهـا مـا تشابـه

وموتر بسواقـه وفيـلا بدوريـن
أثاثهـا مـن بطرتـه ينحكـى بـه

واحجز لنا قاعة بقصر السلاطيـن
واحجز بهـا رقاصتيـن وربابـه

هذي الشروط اللي على بالي الحين
وذكرني اللي ما حسبنـا حسابـه

قلت اذكر الله يا عـدو المساكيـن
واستغفـره لا يبتلـيـك بعـذابـه

الظاهر إنك منت عارف أنا ميـن
أنا لو أرقى فـوق متـن السحابـه

ما جبت حتى نص درزن مواعيـن
واضحك بكيفك واعتبرهـا دعابـة

شروطكم هذي شـروط المجانيـن
شروطكم شغـل ابتـزاز ونهابـه

شروطكم تقصم ظهـور البعاريـن
شروطكـم همّـن وغـم وكآبـه

شروطكم والله سيوف وسكاكيـن
تذبح بنات المجتمع مـع شبابـه

وين الرضا والعطف واليسر والليـن
اللي ذكرهـا الله بمحكـم كتابـه

وين الصفات اللي أمرنا بها الديـن
وين اختفى نهج النبي والصحابـة <<<<<صح لسانك

يا عم جعل اللي خلقنا من الطيـن
يرد عقلك مـن خطـاه لصوابـه

ويجعل نصيبي عند غيرك قل آمين
ويحسن عزا الصابر ويجزل ثوابه

قال أنت لو فكرت تفكير صاحيـن
ما شفت في مجمل شروطي غرابه

حنا بعصـر العولمـة والمزاييـن <<<أحلا يافاهم
ماهوب عصر الفلسفة والخطابـة

الناس تسعى للرتـب والنياشيـن
وأنت اهتمامك بالشعـر والكتابـة

والشعر ما ينفعك لو هو دواويـن
ما دام جيبك مثـل بيـت الخرابـة

يا بوك لا تسمع كلام المصاخيـن<<<<<والله ماغيرك أنت
واسأل مجرب عاش في وسط غابه

قلت الله أكبر يا محـرر فلسطيـن
من يسمعك يحسبك ذيـب الذيابـه

تراك شايب رأس مالـك رياليـن
والبنت ما تسوى جنـاح الذبابـة<<< خربت الأخلاق

قال انقلع مالت على وجهك الشين
لا عاد أشوفـك عندنـا يالزلابـه

قلت ابشر أبشر لكن الباب من وين
وأقفيت من عنده على صوت بابـه

* * * * * *



تستغربون إني حاطه قصيده
بهذا القسم
لكن بقولكم لا لألا لألا تستغربو

لأني أبغى الموضوع هذا للحوار والنقاش عنوانه( غلا المهور)

المجال مفتوح للجميع
حتى أبو مشاري بجيبه <<<<<<واثقه

أبغى أسألكم من جد المهر كذا..
وإلا مبالغه؟؟
اللي أنا أعرف 25 و30 هذا بالمدينه غيرها ماأدري

* * * *

هذا حوار دار بيني أنا وجدي
من باب المزح
قال ريما ياأبوي أخطبي لي


قلت ياجد ماعاد الشباب قادرين يتزوجون
المهر وصل الـ 100وأكثر
من غير الشروط...



قال لاإله إلا الله والله إنا كنا نتزوج بكم من الأبل تكفي



قلت أنا

ياجد ياوجدي على ذيك الايام
وجود من لاعه الوقت وغدابه

غدابه أيام وعصور وأعوام
لديرة أغراب لاهل ولا لابه

تجمعوا لجله ملايين وأكوام
ومحدن نفعه وحصل أقسى عذابه

ياجد ليت يعود من عصركم عام
كان إنفتح لعيالنا ماسِكر أبوابه

ماراح أكمل<<<<<<تــتــغـــلـــى



أتمنى الكل يشارك بوجهة نظره
على القصيده الأولى

ليش الظلم هذا...؟


تمنيت أكتب أكثر بس أعذروني تتعبني عيوني إذا طولت أكتب
أملي فيكم تكملوو الباقي....


وبالنهايه تحيه مني لأرواحكم النقيه
أحملها لكم بعقد من ذهب مخلله بالالماس...

المصدر: الملتقى الجماهيري للشاعر محمد بن فطيس المري

بسم الله على بركة الله

اولاً الشرف لي على اني اول من خط قلمه في هذا العرض الفكري المميز

الماسه ولله طرحك للقصيده في بداية الموضوع شي جميل وهوانك وضحت لنا غاية الموضوع والله يعين بس على غلا المهور
انا بدخل في صلب الموضوع وراح يكون كلامي على كذا نقطه

النقطه الاولى ,, هو ان اكثر الناس يقول لازم نكسر ظهر الرجال بالمهر الغالي عشان يعرف قيمة البنت ولآيطلقها ويردها علينا في حلوقنا وهذا غلط واكبر غلط لان البنت اذا ماحطت قيمتها في عين زوجها ماقدرت تحطها في مهر وغيرها

النقطه الثانيه ..

انا اشوف ان مشكلة في غلا المهور ترجع إسندا موضوع ا لزواج على الام وبنتها وهذا غلط لان البنت ولام داخلين في عالم وهمي مع التحدي في عالم النساء كل بنت الوقت الحالي تتفاخر في مهرها وهذا شي ملحوظ ومعروف وحنا لو رجعنا وجدنا الغلط على رب الاسره وهو الاب لان المفروض مايوكل زواج بنته على اهل بيته



النقطه الثالثه ,,, في كلام المصطفى عليه الصلاة والسلام في معناهـ { من جائكم ترضون دينه وخلقه فزوجوهـ } واليوم الناس ماعاد تشوف الا الماديه وكيف تضمن مهرها من ورى ظهرك

والمشكله لو رجعنا في نهاية المطاف حصلنا الزوجه كاسره ظهر زوجها وعايشة هي وياه في دين وضيق مآدي ,,


هنا اتوقف وهذا تعبير عن وجهة نظري ورأيي الشخصي ..

وقول في الختام صح الله اللسانش يالماسه على الابيات وتسلم يمناش على النقل في القصيده


ولك كل إحتراآمي

هههههههههههههاي لا انا بخلي ابوي اذا يبي يزوجني بخليه يبيع طلي من مواليد ثلاث اشهور ههههههههاي

امحق

اقول مافي اطلق من بنت عمك خذ بنت عمك تعيش بسعاده

اشكرك على المووضوع الذي اتيح اني اشارك فيه

تحياتي وشكري وتقيمي لك

هـــلااااا والله شــآآآآســع يامرحبااااابك

هذي المشكله التباهي .....من جد فين راح الدين والخلق
والله اللي ماعندهـ مادهـ ماأحد يزوجه
أنا ماأقوووول مــرررهـ ماعندهـ المفروض
لو راتبه 1000 ريال يتزوج
الحياة ماهي مربوطه بالمادهـ أهم شي إنـــو محافظ على دينه
ويكووووووون أخلااااااااق غيرهـ والله ماهمني
أهم شي الإنسان يعف نفسه ...
والله الفتن تخوووف بالزمن هـــذا
المفروووض الأباء يحطوووو نفسهم مكان المتقدم
نفرض لــو كان ولدهـ إيش راح يعمل...؟؟؟
الله يعين بس


تخيل ياشــآآآآآســـع : فيه وحدهـ من البنات جت عندنا بالمدينه
جلسنا نتكلم عن المهووووور
قلت أنا 25 و30
تدري إيش قالت قالت يارخصكم ...
بالله هـــذا منطق
قلت لها والله لو كان بالغلاااا والرخص لو كان ببيع ومشترا
لــو جاب الرجال كنووووز الدنيا ماوافق عليه أبويا..
بس هذا نصف الدين...سنة الحياهـ

ومشكووووور يامري...

وأتمنى الكل يشاااااارك
حلفت إن عزومتكم عندي هههههههه

اقتباس المشاركة الأصلية كتبت بواسطة مبارك الشمري هههههههههههههاي لا انا بخلي ابوي اذا يبي يزوجني بخليه يبيع طلي من مواليد ثلاث اشهور ههههههههاي امحق اقول مافي اطلق من بنت عمك خذ بنت عمك تعيش بسعاده اشكرك على المووضوع الذي اتيح اني اشارك فيه تحياتي وشكري وتقيمي لك

هلااااااااااابك مبارك
إذا فكرتك كذا تغطي ونااااااااااااام ههههههههههه
وبعدين مــو شرط بنت عمك يمكن بنت عمك عندها هالفكرهـ
والله مشكلتنا التباهي مثل ماقال شــآســع...

ليش مايحددو المهر 30 وبس
المسأله ماهو رخص وغلا...

ليش الشروط ذاحين المتزوجه البنت وإلا أمها وإلا أخوانها
والله ماعرفنا...

الله يعين بس

اقتباس المشاركة الأصلية كتبت بواسطة الماس تخيل ياشــآآآآآســـع : فيه وحدهـ من البنات جت عندنا بالمدينه جلسنا نتكلم عن المهووووور قلت أنا 25 و30 تدري إيش قالت قالت يارخصكم ... بالله هـــذا منطق قلت لها والله لو كان بالغلاااا والرخص لو كان ببيع ومشترا لــو جاب الرجال كنووووز الدنيا ماوافق عليه أبويا.. بس هذا نصف الدين...سنة الحياهـ ومشكووووور يامري... وأتمنى الكل يشاااااارك حلفت إن عزومتكم عندي هههههههه

ردتني مره ثانيه هالبنت ماشاءالله بالله قوليلهاا يقول مبارك ليه انتي ذهبه

والله لونك ملكة جمال ماخذك بنت ابوهاا يفكر في المهر انه انا اعتبر ان البنت سلعه

عند ابوهاا السلعه تعرفيهاا يعني شي يبيعه مثل الطلي عندنا هع هع نغزه حلووه

المهم اي بنت تفكر بالمهر اكثر شي اانا اعتبر ماعندهاا عقل وعقلهاا صغير

تقبلي مروري للمره الثانيه

والله ماودي ارجع بس البنت دبلتني

اقتباس قلت لها والله لو كان بالغلاااا والرخص لو كان ببيع ومشترا لــو جاب الرجال كنووووز الدنيا ماوافق عليه أبويا.. بس هذا نصف الدين...سنة الحياهـ

8 8

ردش عليها واافي هنا


ولو كان الغلا هو غلا المال كان لو عرض على خواتنا كنوز الكون بما شملت ماجابت قيمه شعره من شعر روسهم لكن المسألة هو إتباع السنه في دفع المهر وليس في بيع ومشترى الذات

اقتباس المشاركة الأصلية كتبت بواسطة مبارك الشمري ردتني مره ثانيه هالبنت ماشاءالله بالله قوليلهاا يقول مبارك ليه انتي ذهبه والله لونك ملكة جمال ماخذك بنت ابوهاا يفكر في المهر انه انا اعتبر ان البنت سلعه عند ابوهاا السلعه تعرفيهاا يعني شي يبيعه مثل الطلي عندنا هع هع نغزه حلووه المهم اي بنت تفكر بالمهر اكثر شي اانا اعتبر ماعندهاا عقل وعقلهاا صغير تقبلي مروري للمره الثانيه والله ماودي ارجع بس البنت دبلتني

ياهلابك مبارك مررررهـ ثانيه والله المجال مفتوح عكس لمى تشارك مرهـ ثانيه
أحس فيه نقاش وحوار أحس من يكون رد واحد..الله يسعدك

وعن البنت اللي تقول كذا وربي مافكرت فيها
وخليها راح يجي يوم تندم على هذي الحركه <<<< هههه حلوووهـ الطلي وهذي راح تنقل لها يوم
أما الأب اللي يسوي كذا أنا أقوله ليش إنتا مو شايف خير من أول..
الرجال يرفع نفسه عن المذله
راح كل يوم يذلونه فيها
المفروض الرجل يفكر بمستقبل بناته وأولادهـ

للمره الثالثه


وراكي غداء والا لا ترى ميت جوووع

هع هع هع عجبني الحوار

كلامك درر
بس كله نظري..
أتحدي وحده توافق ان يكون مهرها اقل من 50 الف
مو معناه اني موافقه ع ارتفاع المهور
بس بعد سالفة نبي نشتري رجال
اكل عليه الزمن وشرب
الحين الحياة كلها مظااهر..
بالعكـس
تلقين بعض الرجال يبي يدفع ويسافر بس
حتي يترزز عند الى حوله.
بس للاسف
تري حنا ماعندنا لامها واختهاا
>> خساره لو تدري كان مسكت حلق رجل اختهاا
يعطيك العافيه ع الموضوع الرآيق