كـلمــــــــــة وداع .. بقلمي

كـلمــــــــــة وداع .. بقلمي

يا كيف تظلمني وأنا منك محــــروم ..
ويا ليه تجرحني علـــى كــلّ مـــوال ..



درب المحبة فيــه ظالـــــم ومظلـــوم ..
ودروب حبــّـك بين طلعه و منزال ..



يومك سقيتيني الهوى كاس مسموم ..
قمت اشربه كنـّـه على قلبـــي زلال ..



حتى عيوني عافت الشوف والنوم ..
ضيــــم وقهـر وآلام وأحوالي أحوال ..



خــاويت في ليلي مع النجمة نجوم ..
اشكــي عليهـــا لين دمعي علي سال ..



ما اقساك يا قلبن على البعد ملزوم ..
تـقفــي وصـــوته مـا نسيتـه ولا زال ..



حبّن كـتـمـته داخل الصدر بهمــــوم ..
مير الزمـــن عيــّـا ولا نيـ بمحــتـــال ..



إن قلت طيب قالوا الناس مسقوم ..
محدن بهـ الدنيا وهو صــافي البــــال ..



دعيت ربي منزل النصــر والــروم ..
يقبل دعـاي ويغفـر الذنب بالحـــال ..



ما أقــول مخطــي لا ولاني بمعصوم ..
ما مال حظي غير حظك معي مال ..



صوت الرجا وقّف وخلك على اللوم ..
لا ينفعك صــوتي ولا رقــــم جـــوال ..



بحر الأمل وإن مات وش لك وللعوم ..
ياخــِذْك لاعمـــاقه ويحذفْــك للجـــال ..



خذها من اللي يذبح الحـظ ويقــوم ..
ما طاحت عزومه ولو طاحت جبال ..



من باع حبي عــاش ضايع ومهــزوم ..
واللي يصـــونه يبشـــر بعـــــز وإقبال ..



اسكنـــه روحــي مقلّـــط ومحشــــوم ..
وأحطّـــه براســي من فعوله عـقـــــال ..



ما يكبر بعيني من النــــــاس مذمـوم ..
ولا أحرّ في صدري من دموع رجّـال ..



تدري وش اللي عزّني بين هالقـــــوم ..
رفـقــة وفـيّــن ما هي برفقــــة أنـــذال ..



وتدري وش اللي يكوي الجوف ويدوم ..
كلمـــــة وداع وفوقهـــا ضحك وهبال ..




بقلمي .. منصور المنصور

يسعدني كثيرا نقدكم الهادف للقصيده ..

المصدر: الملتقى الجماهيري للشاعر محمد بن فطيس المري