إن صار زود المال بيدان الانذال

إن صار زود المال بيدان الانذال

آلسلآم عليكم ورحمة آلله وبركآته ،

الله يسعد آوقآتكم بـ الفرح وآلمسرآت

آلقصيده ،
للآميـر / محمد آلسديري ،
آسم لآيخفى كل شآعر ..

آتمنى تعجبكم ، وتنآل
رضآكم ..


إن صار زود المال بيدين الانذال
حنّا من المعروف تندا يدينا
وان كانهم شرهوا على طيب الافعال
حنّا وردنا جمها وارتوينا
وان فكّروا للجود يمشون رحّال
حنّا قبل يمشون يّمه خطينا
يا ما لبسنا للشرف كل سربال
وعلى البسيطة للفضيلة مشينا
في دوحة العربا لنا مجد واظلال
وحنّا على در المكارم غذينا
لو نجمع اللي فات منا من المال
إن كان شيدنا القصور وبنينا
نعطي ولا نتبع عطانا بالاقوال
ونبذل ونسكت كننا ما عطينا
وان باعوا الشيمة بدينار وريال
حنا دخلنا سوقها واشترينا
نطلع لها لو هي على روس الاقذال
لو هو عسير ٍ دربها ما انثنينا
بافعالنا نرسم دروب ٍ للاجيال
إليا نساها غيرنا ما نسينا
أسود سادات ٍ تسجل للاشبال
فضايل ٍ شمنا لها واهتدينا
بيض ٍ نسجلهن جديدات واسمال
حفايظ ٍ لاحفادنا اللاحقينا
نصبر على الشّدات لو شيلنا مال
لو سال دم دفوفنا ما شكينا
نخاف يلقى سدنا كل ختّال
ويبني هزيلات المعاني علينا
الليل يا خالد على والدك طال
وهنّيت ناس ٍ بالكرا نايمينا
يا عز راسي شفت ما خبث البال
شي ٍ يهوّل شيّب الجاهلينا
شي ٍ من اسبابه يشيب بالاطفال
فطّر خشوم مهجرعات الحنينا
أدير قالات ٍ عريضات واطوال
قالات خلنّ المخفىّ يبينا
منهن رزين العقل بالوقت يهتال
بوقت ٍ عبوس ٍ فطّن الغافلينا
وقت ٍ من اسبابه شكى كل ريبال
نصبر ونسكت كننا غايبينا
الناس بالأيام راحل ونّزال
تفجعهم الدنيا وهم دالهينا
وحيات رب ٍ نزل آيات الانفال
عالم خفايا نية الحاقدينا
ما اترك طريق العدل في كل الاحوال
لو يرحل المريخ للفرقدينا


..

المصدر: الملتقى الجماهيري للشاعر محمد بن فطيس المري

اقتباس المشاركة الأصلية كتبت بواسطة مشعل الحربي الناس بالأيام راحل ونّزال تفجعهم الدنيا وهم دالهينا وحيات رب ٍ نزل آيات الانفال عالم خفايا نية الحاقدينا ما اترك طريق العدل في كل الاحوال لو يرحل المريخ للفرقدينا ..

ماشاء الله عليك مشعل
اختيااااااااركـ ذوووووووق
ورااااااائع كمان الله يحفظك ويحميك يارب


لاتحرمنا من ذوووقك مشعل

يعطيك العافيه

سلمت يدااااك

الماسه

ربي يعافيك

من ذوقك يالماسه

مشكوره على مرورك

الرائع

.. [ آلورد ] ..

الله يعافيك

لاهنتي على المرور

المشرف