أزور معوادهـ من العام لـ العام ..

أزور معوادهـ من العام لـ العام ..

السلام عليكم ورحمة الله ..
إليكم مشاركتي الأولى بين جنبات هذا المَجمع الثقافي الأدبي الراقي ..
وأرجو أن ترتقي إلى ذوائقكم المتميزة


أزور معواده من العام لـ العام

أزور معواده من العام للعام=واكتب على الجدران تاريخ فرقاه
اخطّ هاجوسي على صرح الاحلام=واعيد رسمه .. خوفي الوقت يمحاه
عساه لـَى مرّت بذكراي الانسام=يذكر مواعيده ويرجع ويقراه
وترجع به اشواقه على ذيك الايّام=واسمع تناهيده بقلبي .. ورجواه
من عقب هجره صرت شاعر ورسّام=ارسم وصوف الفَقْد ياسٍ على الآه
تسبق ظنوني حثّ قلبي للاقدام=أمشي على عشبٍ نبت وسط ممشاه
أجلس مكانه وانطوي فيه وآنام=والعمر ينساني على هيف ذكراه
القلب طيرٍ فوق مشقيه .. حوّام=ما فارَقَهْ من يوم لوّح بيمناه

وسلامتكم

المصدر: الملتقى الجماهيري للشاعر محمد بن فطيس المري

الله الله

صح لسانك على هذه المصافحه

شاعر جميل

انتظر كهذا التميز من ماينثره حبرك

بتدفق احساسك ..

عذب التحايا

هلا بك وغلا اخوي الشاعر / فارس
صحّ الله بدنك .. ولا هنت يا ذيب .. شرّفت صفحتي المتواضعة

تسلم .. ولك أغلى التحايا

من عقب هجره صرت شاعر ورسّام
ارسم وصوف الفَقْد ياسٍ علـى الآه
تسبق ظنوني حـثّ قلبـي للاقـدام
أمشي على عشبٍ نبت وسط ممشـاه


ماشاء الله تبارك الله بيتين تميز بالحبك والسبك والابيات كلها وافيه ,,

وعليكم السلام ورحمة الله وبركاته ,,

ياهلا ويامرحبا حياك هايدد مدري وش ههه,,

صح الله لساانك وصح كلك ولاهنت ابيات وافيه وكافيه ,,

كل التقدير والشكر لك وخالص المتابعه .

هههههههههههه (هايدد) = حبيب

صحّ الله بدنك يالامير ..
شكراً على كريم الحرف + الاطراء + تشريفك الغالي + دعمك
ما عليك زود يالسنافي .. يسلم راسك

لا هنت

صح لساااانك

ننتظر جديدك

اقتباس:
المشاركة الأصلية كتبت بواسطة دلع العجمان [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
صح لساااانك

ننتظر جديدك




هلا بك ..
صح الله بدنك .. تسلمين