من يقنع الجاهل ويمسك لسانه

من يقنع الجاهل ويمسك لسانه

بسم الله الرحمن الرحيم

السلام عليكم أحبتي الكرام اقدم هذاه ألقصيده

واجو السموحه الان مأكل من يهرج يصيب والله

يجعل لنا مع اهل الطيبه نصيب اول مره انشر مثل
هذا القصيد



يالله ي رب السماء والمحيطات
يامن حما يوسف بعطفه وصانه

انا دخيلك ياعليم الخفيات
يامن خلق خلقه ونزل بيانه

من زلة يفرح بها كل شمات
من جالها يشبع خبيث البطانه

يالله من سر(ن) ورى ضامري مات
خاف الفضائح *وانتحر في كيانه

الله يروح بعض الايام عجلات
لا يارط الشاطر باغلطة زمانه

لاقلت بقضيها على صمت وسكات
من يقنع الجاهل ويمسك لسانه

بعض العرب صارو مع الوقت عرجات
عجلن على شاني ولا شاف شانه

المخطيه يركض وراها مسافات
والمقديات يصد عنها لعانه

اذا صمت يبدي لغيضه علامات
واذا حكا مالله على الحق عانه

اصبح وزير وله سكرتير نمات
متغطرس(ن) متستربالحصانه

واليوم يالطيب تراها محيمات
سوق الجمل ولا يقوده رسانه

ولا تحسب انها دايم لك سلامات
وراجع حسابك والرزانه رزانه*

بعض الميانه ماتبي لك مسرات*
هاذي ايهانه ماتسماء ميانه

ياحاسد الزيدي على حزمة القات
امسك وريده وأخذها من ثمانه

ياطيب المنسب وياخايب الذات
عليك من طبع الحصاني عفانه

لا تحسب ان السالفه فايتن فات
والا تحسب ان صبري عليها جبانه

كم عرضة تلحق نفوسن بريات
اسبابها تلحق ربيب الحضانه

ياهل العمائم وين ياسر عرفات
ماتعرفون الا الغدر والخيانه

يمديك تحمل زلتك مثل ماجات
وعليك مني عهد ربي وأمانه*

المصدر: الملتقى الجماهيري للشاعر محمد بن فطيس المري