قصه حصلت اليوم

قصه حصلت اليوم

في شهر شعبان في صبح الثنين اغرب قضيه=واجهتني يوم انا عن دربها هايم وسالي
اربع وعشرين بالتاريخ والدنيا مديه=في سنة لاربع ميه من بعد الالف العلم جالي
الف واربع وسنيتين من الثلاثين وشويه=فوق موتر صاحبي ما عدت اعرف اللي جرالي
كرسيدا والمديل اربع وتسعين اجوديه=لوحة الموتر حسع وارقامها تاتي طوالي
سته وثمانيه ثمانيه رقم الهويه=والمعاني جاتني ما بين نظمٍ وارتجالي
كنت انا ومحمد وياسر وزبرتنا سويه=ناخذ اغراض لعماره والطريق بنا استمالي
لين عدينا على الوادي معى شمسٍ وفيه=والهوى مره جنوبي ويغدي مره شمالي
والمسيله تحتنا والجو متراصف نويه=بس لا رعدٍ ولا برقٍ ما غير السيل سالي
من على الكبري طريق الجربه بوقت ضحويه=في دهانات الجزيره نوخت روس الرجالي
ثم خذينا كم سطل بويه وعودتنا جليه=قال زبره يا محمد شربة الما راس مالي
ثم توجهنا بقاله جوفها هندي بليه=ما لقينا شربة الما عندهم لو بالريالي
لو تخيلنا بقاله ما بها مويه قويه=وصفها بالموقع المعروف ما فيها جدالي
دخلةٍ لاشراف صنعا والبقاله جانبيه=واسمها بسم التعاون ما بها غير المقالي
لو يسكر عاده اشوا دون لا تلقاه اذيه=دعوةٍ من ضاميٍ ما بل ريقه بالتفالي
والقصيده جات مني وعد لاطراف القضيه=قلت ابا القيها على اهل المنتدى والراس عالي
لا حدٍ ياتي التعاون دون مويه يالرعيه=والله ان يروح وعيونه من الغبنه تلالي
قصتي قصه وانا فيها المحامي والخطيه=ماني اقبلها لو انها صادره من راس غالي

المصدر: الملتقى الجماهيري للشاعر محمد بن فطيس المري

اخوي ناصر يعطيك العافية

هذي سالفه مهي قصيدة

الشعر معنى قبل مايكون وزن وقافية

اسمحلي بوجهة النظر وارجو أن تقبلها بصدر رحب





.

اخوي قاصد كريم

اتمنى ارا اسم شاعر عند اسمك

وتسلم على وجهة النظر انا ابي اوصف

وابي اوصل القصه ما ابي اكتب خيال

بعدين قصايدي ماليه المنتدى

ومااشين الطمار من واحد دون المستوا

تقبل وجهة نظري بصدر رحب ودي اشوف لك قصيده

وساقوم بمراجعة قصائدك تحياتي

اخي قاصد كريم اعتذر عن الكلام الذي بدر مني تجاهك

فقل ما شئت كنت اظن انك شاعر او متذوق

ولكن لم ارى لك اي تعليق على اي قصيده

لذلك احترم رايك بصفتك عضو

ولا اخفي عليك انه لا يهمني ما قمت بكتابته

فمن حقك ان تقول القصيده لم تعجبني

ولكن ان تصنفها كقصيده ام لا فليس من حقك

دع الشعراء يقررون ذلك تحياتي للجميع واعتذر

من الجميع مره اخرى

يالله حصل خير

ان شاء الله وجهة النظر ماتفسد للود قضية


مشكور اخوي






.

قصه رائعه اخوي ناصر


سلمت وصح لسسسسانك

تحياتي لك ولا هنت

يعطيك العافيه اخوي ناصر
وصح لسانك ’’بانتظار الجديد.

تحيآآآآتي .

صـــح لساااااانـــكـ نــاصـــر
ليش إنتا عصبي <<<<أمزح امزح
يعطيك العافيه نــاصــــــر

الشاعر ناصر الشريف


صح لسانك

الدقه في وصف كل ماحصل معك

يدل انك شاعر مقتدر


قصيده رائعه من شاعر رائع


دمت مبدعا


الشاعر / ابراهيم محمد العنزي

اخوي الشاعر المميز والغالي ناصر اذا بتزعل ماراح اكمل كلامي،،
واذا كان الوضع عادي وبتقبلها من اخوك ،،
فلا قلت الكلام هذا الا لانك مميز مميز فوق العادة والكل يعرف قصيدك ،،
كلامي عبارة عن جملتين فقط ،،
( الأولى : كلام قاصد في محلة وانت تدري واعتذرت وبيض الله وجهك وقاصد رح تابع محاوراته وتعرف انه مميز جدا)
(الثانية : القصيدة هذي يجب انها ماتبقى وحاول تحذفها من المنتدى فهي لا تليق بمقامك كشاعر مميز وهي خاصة يجب ان لا تطلع لاحد الا لزملائك اللي معك في نفس القصة)

كلامي ماقلته الا لان فيه ناس ممكن تقرا هذي القصيدة وهي لاتعرف ناصر واذا قروها ماراح يقرون لك قصيدة ثانية وهذا ظلم ،،
وللامانه ماقلت هذا الكلام الا من باب المحبة ولاني اعرفك من خلال قصائدك مميز،،
وماهو شرط اللي ينقد القصيدة يكون شاعر بالرغم ان قاصد شاعر مميز جدا ولكن قد يكون هناك نقاد افضل من الشعراء ،،
تحياااتي لك وللميز وصاحب الخلق الرفيع قاصد كريم،،،