ياغيوم الوصل بالله امطري..واغسلي ارض القطاعة والعنا

ياغيوم الوصل بالله امطري..واغسلي ارض القطاعة والعنا

السسلام عليكم..

شخباركم؟


احب اقدم لكم قصيده
بقلمي يارب تعجبكم..


عنوانها(ياغيوم الوصل)


يقول:

ياغيوم الوصل بالله امطري
واغسلي ارض القطاعه والعنا
لي سنة وانا لبرقك احتري
ذقت قحط الذكريات اللي لنا
شوفي جسمي بعد صدك منهري
دام وقتي ماله بذكرك سنا
وشوفي الآهات.. والجرح الطري
مايفيده طب بس الله لنا
انشدي قلب ن على شكك بري
وانشدي قلبك بهجري وش جنا
الهجر لصدورنآ يفري فري
بس هلّي وانبتي زهر الهنا
اقبلي تكفين هلّي واحذري
لو رفضتي اعرفي موتي دنا
اقبلي تكفين هلّي واقهري
عذال حقد ن تطلب الفرقا لنا
اقبلي تكفين هلّي وابهري
احباب تدعي تدوم فرحتنا بنا
المشاعر بالغلا تجري جري
استقبليها وعاتبيها بجمعنا
كبري موضوعنا واستصغري
واسكني صرح ن لغيرك ماانبنا
اكسري خاطر جفانا واجبري
واجبري خاطر هوانا و ودنا
قد نصحتك في هواي استثمري
قلتي انت وقلت اي بالله انا
انا بسوق الوصل والحب اشتري
وانتي بسوق الهجر بعتي حبنا
اثر قلبك من حناني لك ثري
واثر قلبي من حنانك لي فنا
ودك انسى ذكرياتك ابشري
لاتروح إبك الرجاوي والمنا
ألعبي باوراق عمري وبعثري
والله لتبطين في صدري هنا


وسلامتكم

المصدر: الملتقى الجماهيري للشاعر محمد بن فطيس المري

ياغيوم الوصل[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]امطري
واغسلي ارض القطاعه والعنا

آه منك آه
ياالعصيمي

وربي مبدع مشاء الله عليك

ألعبي باوراق عمري وبعثري
والله لتبطين في صدري هنا

اذا حبيب عمرك بعثرك والله انك بعثرتني ,,

جميل انت يانايف ولك انشاء الله في اسمك نصيب

ماشاءالله تبارك الله أسأل الله ان يحفظك ويرعاك

للامانه فيه صور شعريه غايه في الجمال

والمفردات الثقيله بمعناها وتسلسل الافكار

والرصانه والقافيه والوزن,,,,

بالنسبه لي انا استمتعت اليوم بنص شعري راقي

لاهنت والله يالشلي وآمانه عليك لا تحرمنا

جديدك

(تقبل مروري محبك في الله بن سيف)

مااددري على اي اساس نقلت القصيدة هنآ


شكرآ لكم على رحابة صدوركم لنآ

فمان الله

... رائد العصيمي ...

ااالله ااالله ااالله عليك

مبدع يارائد مبدع

استمتعت بمروري هنا لاهنت يالقرم على هالجزله

تقبل مروري وعساك على القوه انتظر جديدك

كلمات من الصميم مبدع ماشاء الله

صح لسانك يارائد


شاعر جزل تستحق الوقف والتقدير .

لا حرمنا من هذا النبع

أستمتعت كثيراً بطرحك ..

لاهنت يالقررم

اقتباس ... رائد العصيمي ... ااالله ااالله ااالله عليك مبدع يارائد مبدع استمتعت بمروري هنا لاهنت يالقرم على هالجزله تقبل مروري وعساك على القوه انتظر جديدك

صح بدنك الابداع حضورك يالغالي

اقتباس كلمات من الصميم مبدع ماشاء الله

اشكرك على الاطراء الجميل

شكرآ لحضورك

اقتباس صح لسانك يارائد شاعر جزل تستحق الوقف والتقدير . لا حرمنا من هذا النبع أستمتعت كثيراً بطرحك .. لاهنت يالقررم

صح بدنك

شهادة اعتز فيها والله ولابداع حضورك يالقرم

قصيده جميله وشاعر فذ والصور الشعريه خير دليل على قريحتك الفذه .. ولكن عندك في بداية بعض الابيات ثقل .. عموما انت شاعر جزل وانا منتظر نصوص اخرى لك ..

تقبل تحياتي