( ما اشين من الغالي اذا شان طبعه )

( ما اشين من الغالي اذا شان طبعه )

السلام عليكم ورحمة الله وبركاته


قصيده تعبر عن مافي الخاطر ولها دواعيها


اتمنا ان تكون قد نواظركم واحاسيسكم





الحمد لله والشكر والثنا له
ـــــــــــــــــــــــ الواحد المعبود جل جلاله

الواحد اللي عالم ٍ بالنوايا
ــــــــــــــــــــــــ الواحد اللي ما عبدنا بداله

الواحد الفرد الصمد في صفاته
ــــــــــــــــــــــــ اللي خلقنا من عدم والبقى له

وازكى صلواتي وحسن التحيا
ــــــــــــــــــــــــ على رسول الله وصحبه و آله

الهاشمي مبعوث كل البرايا
ـــــــــــــــــــــــ الصادق المصدوق راعي الرساله

صلى الله وسلم عليه وتبارك
ـــــــــــــــــــــــ نور ٍ عن الظلمه حريب الظلاله

ومن قبل مبداي السلام عليكم
ــــــــــــــــــــــــ والله يسعد كل شخص ٍ وفاله

ما تسند الشكوى على غير مشكى
ـــــــــــــــــــــــ ومن لا وفا لك لا تمد الوفاء له

رافق رفيق ٍ ما يمن بجميله
ـــــــــــــــــــــــــــ ما ينتظر منك ترد الجماله

يبغى جزاها من جزيل الوهايب
ـــــــــــــــــــــــــــ يخفي على مدة يمينه شماله

لا مال بك حملك وكثرة همومك
ــــــــــــــــــــــــــ زاح الهموم وكايد الحمل شاله

ذكره يزيد القوه المعنويه
ــــــــــــــــــــــــــ وبحضرته كل الصعايب سهاله

والا صحيب المصلحه والسوالف
ــــــــــــــــــــــــــــ اللي ما غير حكاه مالك وماله

اترك سبيله وان تعرض سبيلك
ــــــــــــــــــــــــــ تقبله من باب حق الزماله

وان صد منك من تمنيت قربه
ـــــــــــــــــــــــــ خله لو ان قلبك يزيد اشتعاله

من راح من حاله على غير سبه
ـــــــــــــــــــــــــ لا بد يرجع من مراحه لحاله

بعض العرب يقسى على من يوده
ــــــــــــــــــــــــــ لا شاف حبه والدلع والغلا له

ما اشين من الغالي اذا شان طبعه
ـــــــــــــــــــــــــ الا فراقه وانت تبغي وصاله

ومن لا حمد ربه على كل حاجه
ــــــــــــــــــــــــــ تراه في درب الجهل والظلاله

فالحمد لله في جميع النواحي
ـــــــــــــــــــــــــــ والجود منه والشكر والثنا له








ودمتم

المصدر: الملتقى الجماهيري للشاعر محمد بن فطيس المري

الله واكبر يبو حميد وربي انها قصيده شامخه صح الله لسانك حتى ترضى

ياويلي قسم بالله انهآ تجنن
صح لسآنك محمد
مآشآء الله عليك
الله يحفظك ويحميك يآرب

اخوي محمد صح لساااانك
وبيض الله وجهك
تسلم يمناااك لاعدمناااك
مبدع مبدع مبدع

وعليكم السلام ورحمة الله وبركاته ,,

ياهلا ياهلا ويامرحبا يامحمد ارررررحب ترااحيب الغلا يالغالي ,,

صح صح الله لساااااانك وصح قلبك وكلك ولاهنت ياشاعرنا الجززل وبيض الله وجهك قصيده فاقة الابدااع وروح الجزاله ماشاء الله تبارك الله عليك مميز ومعهود بالتميز والحرف الشامخ ,,

كل شكري وتقديري لك يالشاعر الفذ .

وعليكم السلام ورحمة الله وبركاته
حياااك الله يبو عبدالهادي وحي ما جيت به
صصصصصصصصصصح الله السانك وعتلا شاااانك
وش اقول وش اخلي نص ثري بالجزااااله وبالمعنى الأصيل
لله درك وسلم فكرك يا الجزل
تقبل مروري المتوااااااااضع

طاااب فكرك وصح نبضك
على ماسكبت من جمال بنات فكرك...

آحترااامي

،

رآفق رفيقٍ مَ يمن بجميلهه !
. . . . . . مَ ينتظر منكك ترد آلجمآلهه ؟

صح آلسآنك ي إلممري "

أبيآت جزلهه من شآعر جزل !
آلله يعطيك آلعآفيهه
لآهنت

ارحب يبو عبد الهادي يالله انك تحيه وماجابه
وعاداتك ما تجيب الا السمان الجزال بيض
الله وجهك على هذاه ألقصيده التي تميزت
بلفظ الجلاله سبحانه ولا نعبد سواه
تحيات وتقدير اخوك سعيد ولاهنت

صح السانك مليون وعداد من على الارض يمشون وبيض الله وجهك يابوهادي جزله من راس جزل ومايتقنها الا شاعر مثلك وشرواك
تحيتي لك واعجابي ومتابعتي