غيرهّ رجل

غيرهّ رجل

بسم الله الرحمن الرحيم


هذه ابيات من قصيده لي موجهه لشيخ مسمى فقط
إعتراض على تصرفاته ومجاملة من حوله له
رغم انكارهم على تصرفاته جميعاً
دون مناقشته فيها لحياء او لنفاق



كلمتن للحـــق قلناها رجـــال
يوم شفنا كل شيطانن خرسّ

ويش فرق الرجل عن بنت الحلال
ان تروّض مثل ترويض الفرسّ

شيخ ماهو كفو بشته والعقال
لايفكر في قصور ولا حرسّ

لعنبوا من قال قول بلا فعال
ولعنبوا دُخّلـه شنبها ماعرسّ

طال صبري اي ورب البيت طال
كم بمهراسٍ نــدقّ ولاهرسّ

يلعن أرضٍ حولها شمّ الجبال
ماحصد فيها حسد من هو غرسّ

يارجالن قادكم شيخ الريال
لحمكم يشبِع عليكم من ضرسّ

من تقوده بشورها ام العيال
منفضح لو تسترونه واحترسّ

وين من فيكم خبرناهم جمال
وين من فيكم حكيم ومن درسّ

انتخوا من قبل لحذف بالعقال
ثم تناتف خيطه انياب الشرسّ

والله اني من جدودن كالصقال
يفترِس حدي شبأ مايُفترس

أما عشت بصدق مضرب للمثال
والا أموت ولانفاقـي أنتـرس

دامها دنيا وآخرها زوال
ياكل ويرعى من إبعنقه جرس



لشاعرها : علي العبسي

المصدر: الملتقى الجماهيري للشاعر محمد بن فطيس المري

الله الله

على هالابيات القويه والمعبره عن احساس جارف

وعفويه للشاعر وتعبير دقيق جسد فيها الصور الشعريه باتقان

وصح لسان قايلها

ولا هنتي اختي بنت برقا علو القطف الراقي والجميل

ودي