أرجو ممن يقرأ هذه القصيدة....أن يدعو للفقيد بالرحمه والمغفرة..... ( الموت حق)

أرجو ممن يقرأ هذه القصيدة....أن يدعو للفقيد بالرحمه والمغفرة..... ( الموت حق)

[b]أرجو ممن يقرأ هذه القصيدة....
أن يدعو للفقيد بالرحمه والمغفرة.....
فلقد كان المصاب جلل....
ولكن رجائنا بالله كبير.....
رحمه الله رحمة واسعة...
وأسكنه فسيح جناته....
اللهم آمين....
اللهم آمين.....


أنا أشهد إنّ المصايب ما تجي وحدة
يجي من الوقت ما يطرى على البالي

وكلّ المصايب تهون ان جات منسردة
إلّا فـــراق العزيز الصــاحب الغــالي

الموت حــق وحياة الفـــرد منعـــدّة
وآمنت باللي علــينــا قـــدّر الـوالي

فيا الله يا منقذن موسى من الهـــدّة
ومعليه من فوق قومه وانته العــالي

يا رازق الطير في يومه وفي غــدّه
لا فـــيه قـــوة ولا بــه حيل يحــتالي

ترحم حسِين الطبايع صامل الهـــدّة
وتسكنْه من جنّــتك بالــمنزل العــالي

منصور عــقبك ثقــوب الباب منسدّة
دنــياي ظـــلما وحـــالي آآآه يا حالــي

دمعي بحــر يصتفق جـزره على مـدّة
وأفزع من النّـــوم كنّي جـوف زلزالي

يــا طـول ما بـــذكر المسـراح والرّدّة
والّا فأنا اليــوم وحــدي بالخـلا الخـالي

لو إنّي أرجي رجوعك وارتقـب بعـده
وأعدّ وأحــســب حسـاب أيّـام ولــيالي

ما قــلــت قــولن لشالــح قاله بفــقـده
( وصفـقت بالكــف اليمـيـن الشمـالـي)

لـــكــن يـــومــن ولا بـــدّه ولا بـــدّه
وكلّـن يـجازى على ما جاب بأعمـــالي

فيا الله يا منقذن موسى من الهـــدّة
ومعليه من فوق قومه وانته العــالي

يا رازق الطير في يومه وفي غــدّه
لا فـــيه قـــوة ولا بــه حيل يحــتالي

ترحم حسِين الطبايع صامل الهـــدّة
وتسكنْه من جنّــتك بالــمنزل العــالي

فهد.....

[/b]

المصدر: الملتقى الجماهيري للشاعر محمد بن فطيس المري

الله يرحمه ويسكنه الجنه
لاهنت فهد الله يصبرك

الله يرحمة ويسكنه الجنة

وصح لساانك

الله يرحمه يارب ويسكنه فسيح جناته وسال الله ان يجعل قبرة روضه من رياض الجنه ،،،

قصيده رائعه ومشاعر فياضه وقفت عند كلمات تلامس الوجدان لاهنت اخوي فهد ...
لايسعني ان اقووول لسموكـ سلمت يمينك بأنتظار القادمـ،،،

ســـلاف

الله يكتب اجركم ولا يهينكم جميع.....
والله يسمع دعائكم ويجعله من ضيفان الجنة...
اللهم امين يارب العالمين.....
لا هنتو يالربع ع الحضور.....

الله يرحم الفقيد ويسكنه فسيح جناته .. صح لسانك ياقحطاني وبيض الله وجهك .. مافيك حيله ..

فهد انت شاعر كبير ومافيك شك لكن هل ترى ان الشطر هذا موزون مع بقية الابيات
( وصفـقت بالكــف اليمـيـن الشمـالـي)

الله يرحمه وتشكر خيى لاهنت ....جعل الجنه والفردوس الاعلى مستقره
تقديرى لك ....

استغفر الله
والله يافهد جيت القصيده عشانك كفايه حزن

الله يرحمه ويسكنه فسيح جناته
ويارب بهذي الساعه
تجعل قبره روضه من رياض الجنه
وتجعل الفردوس الأعلى مقره
يارب ياكريم..

ولاتحرمنا من جديد افراحك
فهد شييييييييل الحزن تكفى

الله يرحمة ويسكنه الجنة

وصح لساانك يافهد

الله يغفر له ويرحمه ويرزقه الجنه اللهم ابدله بدار خير من داره واهل خير من اهله

اللهم الهم اهله الصبر والسلوان


وعظم الله اجرك واحسن الله عزاك يا فهد