إلا ليا نادا علي قلت لبيه ، ولبى البلاد اللي ثراها يضمه

إلا ليا نادا علي قلت لبيه ، ولبى البلاد اللي ثراها يضمه

ليه ما أنده كل ساعه وأناديه وليه ما أنشد عنه وأشيل همه وأنا ياخوا راسي لصوته وطاريه واحاول أعيده براسي وألمــه وان غاب رحت أحرق خفوقي واحاتيه واقول وين الديره اللي تضمـــه مانيب متولع لكن ميتن فيـــه في ذمتــــي ذمه وذمه وذمــه لو ان حبـــه سـم وتمده إيديه علي الحرام إني تقهــــويت سمه هذا مجنني غــــلاه وتغليـــه شوف العيون من أزرق الدمع جمه من كثر ما أنشد عنه وأتبع خطاويه كنه غريم الي وطلاب دمه قدام يولد ليتني عارف ابيه ولا إني أكبر من كذا وأعرف آمه حتى اليا من قيل ويش أنسميه أقول هــم المولـــع وغمــه صرت أسمعه وأصغي لهرجه وأجاريه صلى بوجهي شرق والناس يمه وأحب منهو جايزله ويبغيــه وأذم منهـــو مايبيه وذمـــه يعني بصراحه صايرن منه وفيه كني من اللا اذيه ولا أبن عمه وليه ما أنده كل ساعه وآناديه وليه ما أنشد عنه واشيل همه إلا ليا نادا علي قلت لبيه ولبى البلاد اللي ثراها يضمه لـ/ الشاعر الرائع ، حمد بن صالح المري ، مما راق لي ،

المصدر: الملتقى الجماهيري للشاعر محمد بن فطيس المري

ماشاء الله
الله يحفظك الع ـآبــر

ماشاء الله عليك

وتستاهل التقييم لاهنت ولاعدمنا جديدك

وربي يحفظك من كل شر

تسلم يمينك
لاعدمنآآآك ..

رووووووعـــــه صح لســان الشــاعر ..
وأحب منهو جايزله ويبغيــه
وأذم منهـــو مايبيه وذمـــه

يعني بصراحه صايرن منه وفيه
كني من اللا اذيه ولا أبن عمه


أستمــــر بالطرح المميز ولــكـ التقييــــم ..

وان غاب رحت أحرق خفوقي واحاتيه
واقول وين الديره اللي تضمـــه


هذا بيت القصيد

صح اختيارك وسلم ذوقك على القصيده الرائعه وسلمت يالعابر

يعطيك العافيه
اختيار موفق
لاعدمناك

روعة يالغالي يعطيك الف عافية
تحيااتي

اقتباس وليه ما أنده كل ساعه وآناديه وليه ما أنشد عنه واشيل همه إلا ليا نادا علي قلت لبيه ولبى البلاد اللي ثراها يضمه

صح لسآن شاعرهــا ..
والله انه كتـب وأبدع

وسلمت ع هالذآئقه راقيــه

اخوي الع ــآبر ذوق راقي جدآ
امتعتني شخصيآ تقييمي بدون كلام
تحياتي