تجربة .. الوقتْ بِـ قَلمي ..

تجربة .. الوقتْ بِـ قَلمي ..

مَصافحة بسيطَة أولى متواضعة .. بهالقسمْ وأتمن تنالْ رضَآكُمْ
بسْ لحدْ يَكبرني هآآه ويقول شاعر !!

مصافحة أولى متواضعه

الله يَاوقت (ن) جَازع و لطَاع
ماهُوب ع كَيفي واجيبه بفنَه
أَمر القَدر يآتي ولافيه مرجاع
قبل أََمس غير اليوم واليوم شنَه
مآعآد ليه في رجآ الوقت مطماع
مَليت ماحصلت غير الممنَه
نآس (ن) مراتعهآ أوامر وتنطآع
يطلب وطلباته ع النَفس جنَه
وناس(ن) أَوامرهآ م تنطاع تنصاع
مدري يوجههآ ع أَيات ونَه
أَحد (ن) رماه الحظ في صفصف القاع
وأَحد(ن) على القمه حظوظه رمنَه
يوم الولد ينخى تلاقيه فزاع
هذآك وقتٍ راح سنينه محنَه
واليوم مآتفرق وحتى أَيش .. لوضآع
يقطعك ياوقت(ن) رجاله ضمنَه
العام نفزع لو بفزعاتنا جزاع
واليوم مانقدر سبايب مطنَه
يارب ترحمنآ .. ترى القلب مرتاع
من هَول مايجري بدنيآ مذنَه ..

وسلامتكم ..

آرَآئكُمْ تَهمني ..

المصدر: الملتقى الجماهيري للشاعر محمد بن فطيس المري

ارررررررررررررحب يانادر .. حياك وحيا قصيدك الزين .. شاعر جزل والجزاله واضحه من خلال النص .. صور شعريه متقنه واهنيك عليها .. ولكن يا أخي العزيز لو انك تأنيت شوي قبل تنزيل القصيده لأن القصيده فيها شوية كسور .. يعلم الله يانادر انها قصيده جميله لكن مثل ماقلت لك أعد النظر في بنايتها في الوزن وليس في المعنى .. صح لسانك ومنتظر قصيده اخرى كي اراهن عليك لأنك شاعر مبدع .. تحياتي لك ..

نَستَفيدْ منكْ يَآَاميرْ ..
الله لآيهينكْ إِذا تقدرْ تحددْ الكَسرْ ..

نادر صح لسانك حتى ترضى

قصيده قويه تنم عن احساس شاعر متمكن
ولكن كما تكرم الاخ امير الشريف فالقصيده لا تخلو من الكسور فارجو منك الاهتمام والتدقيق
تقبل تحياتي وخالص تقديري

نادر

مميز ولاهنت على الابيات الرائعه بخيالها وقوتها لكن كما ذكر الاخوان هنالك بعض الكسور في بعض الابيات عموما صح لسانك عزيزي لك مني كل لتقدير والاحترام

تحياااااااااااااااااتي

صح لسانك
وقصيده جزله من شاعر جزل

صح لسآنك قصيده تحكي وآقع مر ..

لآتحرمنآ جديدك وبووحك !!




.

ممنُونَكُمْ
طبتُمْ ..

الله لا يهينك يا نادر قصيده جميله

وماشاءالله عليك إلا أستمر و واصل

للامانه لك مستقبل واعد .. صح الله السانك يالقرم

لله درك بالمعناني النبيلة صدق المشاعر واضح واذا كانت اول قصيدة هكذا فالقادم مذهل صدقني والله يوفقك