الطيب زرقة رمح

الطيب زرقة رمح

غيرت لي عن طرق واخترت لي طرق
طرق الهنوف اللي ذبحني بطرقه

أما يحرقني حرق والا أحرقه حرق
وان ماحرقته له نظام(ن) يحرقه

ولاعشت في الحيلة ولاعشت في الدرق
ولا تهمت في درقه ولاجبت درقه

وياضلع وين الورق مامرك الورق
اللي عيونه تسرق النوم سرقه

اللي يخيل البرق لو مابرق برق
وين السحاب ووين غيمه وبرقه

عنا بحر غربي وعنا بحر شرق
وخفر السواحل بين غربه وشرقه

على قوارب بيض وعيونها زرق
متوقعين انه تجي فيه غرقه

والرب واحد والبشر بينها فرق
يبين في دينه ودنياه فرقه

والطيب زرقة رمح وأن مارقيت ارق
قبل تموت وسبت الموت شرقه

المصدر: الملتقى الجماهيري للشاعر محمد بن فطيس المري

صح لسان قايلها وسلمت يد كاتبها
وناقلها دائمن ذوقك رفيع ورائع
لاهنت ودمت

اقتباس المشاركة الأصلية كتبت بواسطة محمد الوريكي صح لسان قايلها وسلمت يد كاتبها وناقلها دائمن ذوقك رفيع ورائع لاهنت ودمت

محمد
لاهنت
ع المرووووووور

الله يعطيك العافيه على الطرح الرائع والله يصح السان شاعرها
ودي وتقديري