ومعـــوّض خــــير ياحــيٍ وردتـ الـماء بــدون حبــال

ومعـــوّض خــــير ياحــيٍ وردتـ الـماء بــدون حبــال

السلام عليكم
واسعد الله اوقاتكم بكل خير
هذه قصيده اتمنـى الاستفاده منها فهي في قمة الجزاله والحكم والنصح


معوّض خير ياحيٍ تهقوى في الزمـان ومـال

سنينك لو رقيـت بعدلهـا يطرحـك مايلهـا

تعلّم وإعرف إن الدرب قدامك سهـل وجبـال
جبـال تطولهـا وجبـال بعيونـك تخايلـهـا

ومعوّض خير ياحيٍ وردت الماء بدون حبـال
يطول بك الوقوف وشربة المـاء ماتحصّلهـا

وقوفك عند راس البير مايسقيك لـو فنجـال
ولاينفعك شوف الجمـه اللـي منـت طايلهـا

ومعوّض خير ياحيٍ خدعك من الرجال أشكـال
تشوف أشكالها وتحطها أرفـع مـن منازلهـا

تعلّم من زمانك لاتصير مـن أجهـل الجهـال
ترى في كل يـوم تجيـك عبـره لاتجاهلهـا

إذا ربي وهب لك عقل تلقى في الرجال رجـال
تعرف اللـي يطلّـع قيمتـك واللـي ينزلهـا

ترى من بعض مايندي الجبين ويحرج الرجال
لياسـاق الميانـه فـي نفـوسٍ ماتقبّلـهـا

ومهما شفت في صاحبك من نخوه وطيبة فال
ترى بعض السجايـا كثـرة الإلحـاح يقتلهـا

,,معاريف الرجال ديون وديون الرجـال ثقـال
لياصرت متعافي ليش تغـرق فـي جمايلهـا,,

رصيدك في حياتك سمعتك مع طيبيـن الفـال
رجال الطيب والمعروف بالمعـروف عاملهـا

ولاتبدي بجاهـك فـي مقـامٍ مايسـر الحـال
ولاتشفـع لنـاسٍ ماتنومـسـك بفعايلـهـا

لياجاتك تعذّرهـا مـدام العـذر لـه مدخـال
ووقت الجد قول لهـا الصحيـح ولاتجاملهـا

وخذ منـي نصيحـه لاتصـدق كـل ماينقـال
يجـرك للنميمـه ليـن يطرحـك بحبايلـهـا

يجيلك ناقـل النمّـات بهـروجٍ تغـث البـال
سوالف في قفاك وحظك أطيب يـوم تجهلهـا

يبـرر بالحميـه والصداقـه شينـة الأفعـال
يجمّـل صورتـه بعلومـه اللـي ماتجمّلـهـا

ولو كانت حميه فيك رد المخطيه فـي الحـال
ولاكان إستمعها فـي قفـاك وجـاك شايلهـا

ترى من جاب لك ودّى وهذي عـادة النقـال
يحاول يقتنص من فمك كلمـه لأجـل ينقلهـا

ومثل ماقال عندك راح عنك وعند غيرك قـال
وزوّد عشر فوق الكلمه اللـي كنـت قايلهـا

تجنّب مجلسه لاتجلس إلا مع كريـم خصـال
تحمّـل ميلتـه وإن ملـت ميلتـك يتحمّلهـا

ولاتصبر على الجار الردي لوهي ثلاث ليـال
تضـرك جيرتـه لوكـان بيبانـك تقفلـهـا

وبيع الدار بأول سومةٍ تعرض علـى الـدلال
ورزقـك عنـد ربٍ كاتـب اللقمـه وكافلهـا

,,وبنتك لاتزوجها الردي لوهـو كثيـر المـال
(تربيهـا علـى الطـالات وتشـوّه سلايلهـا),,

وكم من لاش يرمي خيبة إبنه فوق راس الخال
لوإن الخال من روس الرجال ومـن دلايلهـا

ليامنك عرفـت تميّـز الطيّـب مـن البطـال
وفادتك التجارب في الحيـاة وفـي مسايلهـا

وكشفت الفرق مابين الصحيح وحيلة المحتـال
وتعلمت الفراسه في الوجيـه اللـي تقابلهـا

بعد هذي ترى مالك غنى عن صحبة العقّـال
يدلونـك بـرايٍ ينقـض الدعـوه ويفتلهـا

يقولون الرجال اللي سوالفهـم حِكـم وأمثـال
ليامن ضاعت الحيلـه يـدل القـوم عاقلهـا

نصيحة واحدٍ جرّب وشاف من الزمان اهـوال
يقدّم لـك خلاصـة هجـرةٍ جـرّب هوايلهـا


ودمتوا

المصدر: الملتقى الجماهيري للشاعر محمد بن فطيس المري

لاعدمنا هالطرح .... ياسمو المراجل ...ابيات قمه في الجمال والروعه احترت اي بيت اقتبسه في ردي لقيت كل بيت عن قصيده واجمل من الثاني .


تستاهل الفايف .
تحياتي لك .

,,معاريف الرجال ديون وديون الرجـال ثقـال
لياصرت متعافي ليش تغـرق فـي جمايلهـا,,

لله درك ياسمو المراجل وصح لسان قايلها
ولاتحرمنا جديدك وتستاهل التقيم

ولاتصبر على الجار الردي لوهي ثلاث ليـال
تضـرك جيرتـه لوكـان بيبانـك تقفلـهـا

اهنيك على هالاقتناء الراقي اخوي سمو

جدا راقت لي هذه الابيات

كل الشكر لنقلك المميز

تحياااااااااااااتي

أخي سمــــــ المراجل ــــــو
قصيده فاقة الخيال وما فاق الكل هو إختيارك ونقلك
صح لسان قائلها وسلمت يد ناقلها

ومهما شفت في صاحبك من نخوه وطيبة فالترى بعض السجايـا كثـرة الإلحـاح يقتلهـاقصيده جميلهيعطيك العافيهاحتراامي

يا مرحبا والله بسمو المراجل ..الله لا يهينك على هذا النص الجميل ...

للامانه ابغى آآخذ منها ما اعجبني واستوقفني كثيرا ولكن يعلم الله كلها

جميله ... وفي نظري ان من قام بأنتقاء هذا النص الرائع يدل على روعت وجمال

شخصيته الفريده .. والله لا اقولها رياء او مجامله ولكن لاني مجنون في حبّه

فأنا احبك في الله واحترم طرحك الذي يثري المنتدى ويفيده وللامانه ما عاد نبغى

تغيب عنّا لان غيابك .. يتعبنا .. بعد ما عرفنا قيمتك واهميّتك بيننا فأنتا تحمل من الفكر و التميز

والاحترام و الاخلاق ومزايا شخصية الرجل في رجولته فلا غرابه ان يرتقي مسماك بسمو المراجل

فأنت اهلا لذلك .. ما فيه شك ...

لي عوده فلم اشارك في النص هذه فقط بدايه.. للامانه النص يستحق المشاركه فيه .. لي عوده بس اروق ...

ولاتصبر على الجار الردي لوهي ثلاث ليـال
تضـرك جيرتـه لوكـان بيبانـك تقفلـهـا

وبيع الدار بأول سومةٍ تعرض علـى الـدلال
ورزقـك عنـد ربٍ كاتـب اللقمـه وكافلهـا


الله يعطيك العافيه ســـــــمــــــــــ المراجل ــــــــــــــــــووو

والله لوكان بكيفي ماأصبر ليله وحده لروح عنه ولاجي الديار اللي هو فيها

قصيده قمة في الروووعه صح لسان راعيها..

سمو المرااجل..

يعطيك العافية ع النقل الرائع..

وكم من لاش يرمي خيبة إبنه فوق راس الخال
لوإن الخال من روس الرجال ومـن دلايلهـا
سمو
الله الله الله
عليييييييييييييك
بصراااااحه
جزااااالة شعر
صح لسااان شاعرها
اهنيك عالانتقاء
تحياااااااااتي