ماجد بن خرصان ~ خواطر

ماجد بن خرصان ~ خواطر

خواطر ماجد بن خرصان 🎵 ~


عانيت في بعدك هموم ومواجع
امر انا حارتك وامشي واعديها
برحل عن الديره //ولاني براجع
وش عاد لي في ديرةً منت فيها!



--------------------------

سافرت كل الاماني واتركت قلبي وحيد
ينتظر حضرة جنابك ...// وانت لاهي ياعنيد
تطعن وتبعد وتجفا..واتصل بك واسالك
وكني اللي يضرب المسمار في صلب الحديد




--------------------------

المحبه وصل // يلي ماتجينـا
والوصال اخير // ..ياوجه القطاعه
ودي اعرف ويش غيركم علينا
وحن نتواصل اربع وعشرين ساعه




--------------------------



الصاحب اللي لا كفخه الهوى مال
لا تامنه // لانك ليا امنته " اجرم
"اصله مره " لكن على شكل رجال
يعني يروح السوق من غير محّرم




--------------------------



اسمكك نحته داخل القلب ساكن
ماني مثل من يكتبه "فوق ماصـه"
وعلمتكك اسلوب الرمايـة [[ ولكن ]]
'اقفيت وانا في ضلوعي رصاصه'




--------------------------


ماذكرك صوت المطر حزني عليكك !
ماذكرك // يوم التقينا ياغلاي
ماذكركك بـ اللي "عيونه تحتريكك"
اللي يمتر حارتك رايح وجـاي





--------------------------



صوت المطر يوم هل وكثرت مزونه
ذكر غريب الديار // بديرته وانقهر
هلت دموعه //وخلق آلله يشوفونه
وقال ماهي دموعي ذي بقايا المطر



--------------------------


من وعدني ثم ماوفـا الوعد
لا لقى غيري بيذكر طيبتي
كنت انادي له وكلن في بلد
مادريت انه " يدور غيبتـي "



وسلامتكمم واعذرونا على الغيبه ❤️🌹

المصدر: الملتقى الجماهيري للشاعر محمد بن فطيس المري

الشاعر ماجد بن خرصان

صح لسانك خواطر جزله

تحيتي وتقديري