وبان الفجر !

وبان الفجر !

حبيبي ؛ والمسا كفكف ذلايق شملته ؛ وانـزاح
وانا ما زلت في " عين المكان " ؛ أتأمّلك تاتـي
يسوق الفجر تالي ما بقى من ليل ؛ للمسـراح
وانا احبس ما بقى بي من صبر ؛ في كمّ دمعاتي
غدا حزني " نداوي " والجفا منّك ؛ غدا ملـواح
أبيّ أطلق جناحي ؛ واتحاشى طيـش هقواتـي
لو إن الدمع لا منّي طلقتـه ؛ خاطـري ارتـاح
فتحت إله الطريق بكل نقطـة ؛ فـي مساماتـي
حبيبي ؛ وش بقى لي مالأمل كثر الذي قـد راح
وانا ما زلت تايـه بيـن حلمـي ؛ وانفعالاتـي
مثل ذاك الجريح اللي ترجّـا مشـرط الجـراح
رغم ما يكتنفـه مـن الوجـل متأمّـل الأتـي
حبيبي ؛ والحزن هير عميـق يربـك السّبـاح
وانا انفاسي تسابق ؛ في طلب محّار حصباتـي
تحاصرني صواري ليلتي ؛ وانا حطـب مـلاح
لفض زبد البحر حلمـه وراه بموجـه العاتـي
بقى لك في طرف كمّي ؛ شذى يشمومك الفواح
هو الشي الوحيد اللي بقى لـي مـن خياراتـي
سريع الوقت يركض بي ؛ جويع والعمر تفـاح
نضج في عين وقتي وانثنى ؛ في كفّه مواتـي
برد دفء الكلام اللي ؛ جمعته لك شجن وافراح
تصاعد بي رذاذه ؛ وامطـرت غيمـة معاناتـي
فضحني الصبح واقف ؛ واتأمّل لين جفني طاح
عرفت إنّك وفيت الواقعك ؛ واسنت طموحاتـي

المصدر: الملتقى الجماهيري للشاعر محمد بن فطيس المري

صح الله لسانك

ولاهنت

كلام جميل وصح الله لسانك

سريع الوقت يركض بي ؛ جويع والعمر تفـاح
نضج في عين وقتي وانثنى ؛ في كفّه مواتـي

والوقت هذا طبعه والشكوى لله

سريع الوقت يركض بي ؛ جويع والعمر تفـاح
نضج في عين وقتي وانثنى ؛ في كفّه مواتـي
برد دفء الكلام اللي ؛ جمعته لك شجن وافراح
تصاعد بي رذاذه ؛ وامطـرت غيمـة معاناتـي
فضحني الصبح واقف ؛ واتأمّل لين جفني طاح
عرفت إنّك وفيت الواقعك ؛ واسنت طموحاتـي



صح الله لسانك واصل ابداعك يا الجززل

مافيك حيله يابن العم

صح لسسسسسسسسانك ولاهنت

أخي في الله الشاعر محمد السالم

لا يسعني تجاه ما نثرت هنا إلا ان اقول يأبى الجمال الحضور إلا بمعيتك

من أجمل النصوص التي قرأت بهذا الصباح وفعلا بأن الفجر

قد بان يا سيدي الفاضل

وفقت فيما طرحت يا أخي محمد ..

تقبل مروري بحضوري أختك في الله

حروف من نور هنا وبالزاخر ايضا ..

صح لسان محمد السالم

!,
طرح رائع بكل ابعادة ومضمونه
سلمت اناملك على هذا النثر الأكثر من رائع
دام الابداع والتميز يعانق سطورك
اطلالتي
/

محمد السالم

مافيك حيله

صح لسانك يا مبدعنا

هو الشي الوحيد اللي بقى لـي مـن خياراتـي
سريع الوقت يركض بي ؛ جويع والعمر تفـاح


محمد السالم شاعر شهادتي فيه مجروحه

ابيات جزله من واحد جزل الله يوفقك

تحياتي لك وانتظر الجديد

مررت