توديعك اقسى من رحيلك وذكراك ..

توديعك اقسى من رحيلك وذكراك ..

السلام عليكم أحبّتي .. الله يمسّيكم بالمسرّات
دونكم الجديد يا هل القصيد .. <<أنفع محرّج ؟!

توديعك اقسى من رحيلك وذكراك

قال الوداع .. وقلت: يا حَرّ فرقاك !!=يا طول ليلي بين فقدك ، وطاريك !!
ودعتني بالأمس واليوم ناداك=دمع الرجا قبل المشاعر تناديك
توديعك اقسى من رحيلك وذكراك=ليتك بلا توديع فارقت مغليك
حبستني ما بين باب ٍ وشبّاك=رحَلت قبل اسمع بقايا حكاويك
يا تنتظر .. ياتعلّم القلب ينساك=والّا توصّف لي دروبك واوافيك
لاوين رايح ؟ وين يا صاح ابلقاك ؟=وين اهتدي لك كان طالت مساريك ؟!!
يا جعل ربّي وين ما رحت يرعاك=الله يحقّق لك طموحك وامانيك
اليا خذاك البُعد عنّي وبطّاك=سلوان نفسي في تعاليل ماضيك
ان ضاق صدري من صدودك وجفواك=افتح مكاتيبك واناجي طواريك
أقرا حروفك وابتسامتك واقراك=واتخيّلك تقرا عتابي .. واواسيك
في ناظري حلم ٍ تهنّى بلاماك=وفي خافقي طير ٍ يتابع خطاويك
أضويت لك بين المجرّه والافلاك=شوق ٍ يهادي خطوتك يمّ غاليك
توديعك اقسى من رحيلك وذكراك=ليتك بلا توديع فارقت مغليك

وسلامتكم

المصدر: الملتقى الجماهيري للشاعر محمد بن فطيس المري

الله الله ابيات رائعه يسلموا الايادي
يا يا مبدع

اقتباس:
المشاركة الأصلية كتبت بواسطة موسى ابومشهور [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
الله الله ابيات رائعه يسلموا الايادي
يا يا مبدع





تسلم اخوي .. موسى
لا هنت ع المرور والتعليق .. والابداع وجود قلمك على صفحتي المتواضعة

والمعذرة ع التنسيق .. لكن منتظر فزعة / المشرفين

حبستني ما بين باب/ن وشبّاك=رحَلت قبل اسمع بقايا حكاويك
يا تنتظر .. ياتعلّم القلب ينساك=والّا توصّف لي دروبك واوافيك


الله عليك

ابيات كتبت بماء الذهب

كتبت فأبدعت وامتعت

صح السانك مدد بلا عدد

تقبل تقييمي وخالص تقديري لشخصك الكريم

صح السانك على النص الجميل

وعليكم السلام والررحمه ,,

مساك الله بخير ورضاء ,,

ياهلا اررحب ياحبيب حياك الله ,,

صح الله لسانك وصح قلبك وكلك ولاهنت على هالمعزوفه الجميله جدا ً ,,

تحياتي وتقديري لك وإنتظر المزيد من العزف الجزل .

حبيب ،، لاجديد ،، جزاله متكرره ،، وأبداع مستمر ،، ماشاءالله تبارك الله ،،

أنا متأكد ،، من يدخل ويقرى هالقصيده ،، أتحداه يطلع من غير مايرد ،،

لله درك يابطل ،،،

أقتبست بيت ، ومن غير قصور فالأبيات الأخرى ،، بالعكس القصيده من أول بيت إلى آخر بيت قمه وربي ،
بس هالبيت كان قصيده لحاله من وجهة نظري /

في ناظري حلم ٍ تهنّى بلاماك
وفي خافقي طير ٍ يتابع خطاويك

صح لسانك ياكحيلان ،، شاعر متمكن إلى أبعد الحدود ،،

الله لايضرك

،

اقتباس:
المشاركة الأصلية كتبت بواسطة بنت برقا [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
حبستني ما بين باب/ن وشبّاك=رحَلت قبل اسمع بقايا حكاويك
يا تنتظر .. ياتعلّم القلب ينساك=والّا توصّف لي دروبك واوافيك


الله عليك

ابيات كتبت بماء الذهب

كتبت فأبدعت وامتعت

صح السانك مدد بلا عدد

تقبل تقييمي وخالص تقديري لشخصك الكريم




صح الله بدنك يا بنت برقا ..
تسلمين على حرفك الكريم ومرورك الراقي .. والاطراء الجميل

أشكرك جزيل الشكر ..

ولك اغلى التحايا

اقتباس:
المشاركة الأصلية كتبت بواسطة ابـونايف الروقي [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
صح السانك على النص الجميل




انت الأجمل شاعرنا .. ابو نايف

تسلم .. ولا هنت

صح لسسسسسسسسسسسسسسسسسسسسسانك والله ينوووووووووووووور قلبك