ان بكيت بسبته يعني ترى قلبي سعيد وان ضحكت بسبته فال الله ولا فالها

ان بكيت بسبته يعني ترى قلبي سعيد وان ضحكت بسبته فال الله ولا فالها

يا بعد كل الحروف اللي يعانقها القصيد
يا بعد كل البحور دقاقها وجلالها
انت يا حسن المعاني وانتي يا كل الرصيد
وانت يا منيت خفوق المرجله وعيالها
لا بغيت اكتب قصيده كل ما فيني يعيد
وانظرك قدام عيني ترقص لموالها
ما تخليني اغني لا قديم ولا جديد
كل ما ابدا في هجوسي جيت لي اقبالها
مدري انت اللي تسبب ولا هاجوسي عنيد
ولا قلبي معك ولا والسبب محبالها
يا خفوق الشعر غن وقل لها ماهو بليد
يبحر بوسط البحور اقصارها واطوالها
يقطع عروق القلوب اللي تبي فوقه تجيد
يسبح بغب البحور ودرته يشتالها
تبصم لحون القصايد مستمعها مستفيد
تغرس بوسط القلوب الصاغيه شيالها
يا هبوبٍ من هبوبه حرك اوراق الجريد
كن قلبي كنتٍ ما فيه من يقوالها
موتري حرارته عيا يفيدبها الجليد
لو هو القطب الشمالي زاد ما هدالها
ما يعالج بالورق ثم ما يعالج بالحديد
حالته والشاهد الله حالتٍ يرثالها
موتري وده يعيد في ديارٍ يوم عيد
الديار اللي بها خيلي وانا خيالها
الاصيله ما مثلها مجاهدٍ فيها شهيد
ومالها الا الاصيل بغترته وعقالها
هي وطن وتقول دوله بس انا فيها وحيد
ساكنٍ فيها لحالي ما حدٍ يحتالها
ان بكيت بسبته يعني ترى قلبي سعيد
وان ظحكت بسبته فال الله ولا فالها
وان شكيت الناس منها قالو الفرقى عديد
وان سالت الناس عنها قالو حظٍ جالها
يا سرابٍ في عيوني طال والمده تزيد
السراب اللي مكانه بين صم اجبالها
يا غنات النفس قومي اقدحي الراي السديد
اقدحي زند الفتيله لو يزيد اشعالها
ايه انا بفعل وش اللي ويفعل الله ما يريد
لا بغيت اوصل لها غير ارتوي بوصالها
كلمتي وانا احتميها ولا تفكرني بعيد
ساكنٍ في وسط جوفك غارسٍ شيالها

الشاعر: محمد نور جريبيع الداموكي الرشيدي

المصدر: الملتقى الجماهيري للشاعر محمد بن فطيس المري

صح لسان شاعرها ولا هان جالبها

شكرا سعد علي على الانتقاء الجميل

تحيتي وتقديري