( جـنــون الــحب )

( جـنــون الــحب )

السلام عليكم

الله يمسيكم بالخير جميعا اعذروني عن التأخير والله انه اجبااري

اجدد التواصل معكم عسى ان تنال اعجابكم وتشفع لغيابي وتزيدني شرف بمتابعتكم

احبك كثر ما حل الظلام وشعشعت لنوآر
ــــــــــــــــــ واحبك كثر ما حرك نسيم الليل لغصاني

احبك كثر مافاح الربيع بواحة الازهار
ــــــــــــــــــ واحبك كثر ما جروا هل الالحان للحاني

احبك كثر ما غرد على الاغصان طير وطار
ــــــــــــــــــ واحبك كل ما نشّى الغمام وهل ودّاني

احبك كثر ما حن السجين لشوفة الزوار
ــــــــــــــــــــ واحبك كثر ما جاه الهيام وكثر ماجاني

احبك كثر ما قالوا على فرقى الحبيب اشعار
ـــــــــــــــــــــ واحبك كثر ما شالوا هل الموال ياداني

حبيبي لو بغيت اوصف محبتك وغلاك انهآر
ـــــــــــــــــــــــ تسابقني الحروف وكل بيت يسابق الثاني

لك بصدري رحابة دآر وأكثر من رحابة دآر
ــــــــــــــــــــــــ قصر ما صممه غير انت وانت المالك الباني

حياتي في وجودك هانيه والا غيابك نآر
ـــــــــــــــــــــ على كيفك اعيش بنار والا اعيش متهاني

لك القلب المعنى جار وضلوعي حمى وستار
ــــــــــــــــــــــــ من عيون الحسد وعيون عدوانك وعدواني

احاول ما يشوفنك لأنك تلفت الانظآر
ــــــــــــــــــــــــ بعفويتك تفتن كل من شآفوك من دآني

جمال ٍ يوسفي و وصوف حوريه ولعب مهآر
ـــــــــــــــــــــــــ عسى الله ما يضرك يالغلا حتى من لسآني

رجعت اقول احبك كثر ما يسجع حمام الدآر
ــــــــــــــــــــــ واحبك كل ما قام الهوى يلعب بالاغصاني

احبك كثر ما غاص البحر من يبغي المحار
ــــــــــــــــــــ واحبك كثر ما حِصل معه لولو ومرجاني

جنون الحب لا قالوا جنون الحب نصفه نآر
ــــــــــــــــــــ انا عشتك جنوني بس عشتك حب متهآني

وسلامتكم

المصدر: الملتقى الجماهيري للشاعر محمد بن فطيس المري

صح لسااااانك
روووعه محمد
الله يحفظك يارب

وأتشرف إني من متابعيك
وأستنا جديدك..

صـح لسآنـكـ ..

من طول الغيبات جاب الغنايـم ..

صح لسانك اخوي محمد
غيبتك جابت الغنايم
وان شاءالله ماتغيب
تحياتي

حياتي في وجودك هانيه والا غيابك نآر
على كيفك اعيش بنار والا اعيش متهاني


الله عليك ي محمد مافيك حيله
صح لسآنك ولاهنت .

تحيآآآآآتي .

الله وأكبررر


صح لسسسسسسساْنك مليؤن قصصصيده اكثر من جزله

الله يسعدك .. استمتعت بقرأتها ..
واللي مثلك يالغالي والله حرام ماهو بمشهور .
موأهب مدفونه .. تباً للإعلام ..

الله لا يضضضرك .. تقبل تقيمي + اعجابي بـَِ شعورك ...

ودي وتقديري

احاول ما يشوفنك لأنك تلفت الانظآر
ــــــــــــــــــــــــ بعفويتك تفتن كل من شآفوك من دآني


اخي العزيز محمد المري انت من لفت الانظار بعوفيت قصيدك الرائع

صح لسانك حتى ترضى كم هو جميل بوح قلمك

الله لا يغير عليك تقبل تحياتي

ماتوانى ليا شفت الطريق اللي يوصلني لباب حرفك

الله عليك يامحمد .. اطربتني بهالكلمات ..

شاعر لك مضمارك الخاص وطابعك المختلف

مالك شبيه يالقرم وهذا يزودنا فخر فيك

لا حرمنا نبض حرفك واطلالتك الدائمه

تقبل مروري واعجابي بشخصك

لاخلا ولا عدم

اخوك
ابو مشاري

صح الله لسانك يامحمد .. قصائدك لها نكهه خاصه .. مبدع والشاهد الله يامحمد ..
اعذر قصوري ياذيب ..

اكثر من رائع
تسلم على الحب الممتلئ في قصيدتك
تحياتي