الشعر في حضرة هل الشعر

الشعر في حضرة هل الشعر

للشعر في حضرة هل الشعر تقدير
ترضخ حروف الشعر ثم تزيد انوارها


انسج ابيات الشعر والحرف في قلبي اسير
يهتدي من نور شعري من تضيع اعمارها


وتخايلي بالعز عزه وانتي في حضرة أمير
يسبر اغوار المعاني مايهاب أخطارها



قايد البيض الأصايل به يجار المستجير
مايبالي للمعالي نظرته واسرارها



قم يالهوى بشر تباشير السعد وانت البشير
بشر قلوب الغوالي بالسحب و امطارها



بشر تباشير الغلا وامشي ولو طال المسير
أهل المعزة نحسب لها الوافية وأشبارها



قل للكبير اللي تشوفه عندنا تبقى كبير
مايهون اللي يغيب وعزهم بكبارها



وامسك بيمناك عزة وامسك السيف الشطير
واعرف إن العز وهبه للصقور اوكارها



فرح القلب الرهيف وواسي القلب الكسير
وقلها بالحب تبقى مانعيب أطوارها



حتى العيون الساحرة أفراس في يوم النذير
تاقف على بيض القلوب ونهتني بانظارها



تعزف ألحان الهوى ويطرب مسامعنا الأثير
ترقى على اسوار المحبه تستبيح أسوارها



تعزف الحان الهيام ويعرف الدرب الضرير
تعرف اسرار الحياة وماتهون أدوارها



ياقلب هذا الحكم حكمك ماعلى حكمك خشير
والقلوب الله يبيح من يبيح أستارها



جاكم المرسول مني واسمعوا قول السفير
القلوب اللي نبيها نفتخر باخبارها

,,,,, في أمان الله

المصدر: الملتقى الجماهيري للشاعر محمد بن فطيس المري

ربي يعطيك العافية

اقتباس المشاركة الأصلية كتبت بواسطة تذكار الغلا ربي يعطيك العافية

حياكِ خيتوو
و يعافيكِ ربي
شكراً لكِ

صح لسانك ..

habeeb alqurni

صح بدنك و كلك يـ فاضل