،’ جاعت عيوني شوفتك ياعنيدهـــ ،’ ][سعيد بن مانع][

،’ جاعت عيوني شوفتك ياعنيدهـــ ،’ ][سعيد بن مانع][

انا وش اللي بغيبتـك مستفيـدهـ ؟
صدري وصل .. الهم حد الشباعه

الصبح يضحك لي بضحكه جديـدهـ ,
وانا الى هالحين مانمـت ساعـه

اسهر واسامر كل نجمـه فريـدهـ
وان نمت ؟ قالت ليه هذي القطاعه

ياغايبه والليـل لا قويـت ايـدهـ ؟
يدي ضعيفـه ماتقـاوي صراعـه

الحـب دمٍ والمواصـل وريــدهـ
والقلب هو اللـي يزيـد اندفاعـه

غبتي وسميتـك : قريبـه بعيـدهـ
والعين تحسد خافقـي عالقناعـه

جاعت عيوني شوفتـك ياعنيـدهـ
ماترحمين اللي بلتـه المجاعـه ؟

بينـي واحزانـي علاقـه وطيـدهـ
مثل العلاقه بين عقـرب وساعـه .,

فراقـك الله يمحـقـه لا يعـيـدهـ
لازاد زاد الجـرح معـه اتساعـه ..

نسياني اكذب من كـلام الجريـدهـ
وكتماني اعتم من عتام الإشاعـه.,

وأشواقي اصدق من فعايل رفيـدهـ
وأبلغ من طعون اليدين الشجاعـه ..

شوقٍ هبا في القلب وسم الحديـدهـ
والقلب لولا الصدر ؟ تم انتزاعـه

ولاجـداي الا حـروف القصيـدهـ
عسى تزودنـي شويـة مناعـه .,

لك الله اصبر عالريـاح الشديـدهـ
يالمركب اللي ضاع منه شراعـه ..

عسى الفرج يقبل ويهنـاك عيـدهـ
وتبات عين اللي شقا البُعد لاعـه .,

وأقول للنجمـات فرصـه سعيـدهـ
والمعذره دامي نويـت القطاعـه ..

ياغايبـه والنخـل يبّـس جريـدهـ
ولا يغـرك راسهـا وارتفـاعـه .,

به في غيابك فايدهـ بـس وحيـدهـ
يمكن إنها هي العـزا والشفاعـه

تدرين وش في غيبتك مستفيـدهـ ؟
اني اصلي الفجر ويـا الجماعـه.....





[youtube]

المصدر: الملتقى الجماهيري للشاعر محمد بن فطيس المري

الله الله يالعنيده
سعيد بن مانع
انا من متابعينه

ابدعتي يالغلا دااام فيها سعيد

فلايحتاااج
ابداااع
تقبلي مروري وتقيمي

الله عليك يالعنيدهـ

وربي فاخره مميزه رآئعه ...

لاهنت يالغلآ ,,,

وتستآهليــن احلـي تقييم

العنيده دوم مميزه بإنتقاءك لا خلا ولا عدم

والله يعطيك العافيه

موضوع مميز ورائع
تشكري عليه
تحياتي

الله الله
يسلم لنا هالذوق
وصح السان سعيد
ولعيونك احلى تقييم

صوت وابيات رائعه
صح الله لسااانه وسلمت اناملك على الطرح

صح ذوقك الراقي

اختيار موفق

أشكرك

صح لسان شاعرها

تشكرين لنقلها لنا

تسلم يمينك يالعنيــــــــددددةة على هــ المتصفح الممتع
شيلة تحمل صوت راقي وكلمات جزلة في إسلوبها ومعانيها
تحيااتي