الكلام ماقل ودل

الكلام ماقل ودل

يالله وانا عبدك وابن عبدك وللرحمة فقير=اذنبت يوم الذنب كايد والجبل مايحمله
ازريت اداري ناصر اتقول اني اداري غرير=وازريت لاسولف لامير بيت اجامل واجهله
وازريت لاشفت الخطا من شخص اسوي اني ضرير=وازريت من بعض الكلام الي نفرت من اوله
وازريت اشوف الناس تضحك لو من الضحكات خير=وازريت اذوق المر والعلقم بعرق الحنضله
انا برئ امن الثنينه الاخ ناصر والامير=واعوذ بالله من قهر الاجواد يامستسهله
عيب الكلام وعيب شيخ القوم حقران الصغير= وعيب الهواشم خلفت للعيب سله مهمله
وعيبي دخولي بين ناس" لاتشير وتستشير=وقل احترام القوم قدم القوم عيب المرجله
يمكن علشان الحقيقه نلبس لباس الحقير=ويمكن على شان الصداقه نزعل الي نزعله
اسبح بحر وارقى جبل واشرب وانا عطشان بير=ولامن كتبت الشعر مكتب غير عذبه واجزله
ازريت اعلمهم بأن البعر اثرً للبعير=وازريت اقول ان جلد غيرك لاتكساك اشعله
وازريت اقول ان لحية" تحشمك حشمها كثير=وازريت اقول احشم مقامك لجل يبقى منزله
اوزريت اقول ان لعبوا الشيبان لايضهر بزير=وازريت اقول ان الكلام اقواه ماكان اوله

المصدر: الملتقى الجماهيري للشاعر محمد بن فطيس المري

صح لسانك اخوي محمد
وبيض الله وجهك
مافيك حيله شاعر وكفو
لاهنت

صح الله بدنك
ولاهنت والكفو مرورك
طال عمرك

صح لسانك محمد
ابدعت الله يحفظك يارب

إلا على فكرة الشريف والهاشمي
سؤال محيرني زمااااااااااان هههههههه
كيف الشريف هاشمي وإلا الهاشمي شريف
هههههههههه والله محيرني

ما قط والله اعترفنا بك ولا لك من عشير=الا حمول العير يا ليت العيور مدبله

يا كيف تتبرا وتحسب بانك الليله وزير=اخاف لا الراس يتحنا زي قوس المنقله

ترقى الجبل لكن على ما اظن تتعشى شعير=وتحاول انك تجعل من وسام ناصر سلسله

من فوق جيدك زي سلسال الذليل المستجير=اللي كلامي كل ما قلته لفاه وخبله

لا من بغيناها تصير تصير لو ما هي تصير=هجماتنا تاتي كما يوم الحشر والزلزله

لكن ابا اخليك لن مالك على ناصر نصير=واقرا على راسك كلام الله عقب البسمله

يا طير خوف انك تعود يوم تلقانا كسير=والشامت يعيد على كسرك ويعلن محفله

ازريت اقول اني على الشعار كالبدر المنير=اصعب طريق يصير في عيني مشابه لاسهله

ما قل دل وليت بعض الناس يرعاه الضمير=ما كان فجرنا وسط قلبه غبون المسئله

السيف خله يا رفيقي طالبك وسط الجفير=اخاف لا اشهر عليك السيف وتصبح معضله

ازريت ثم ازريت اسامح واتصدا للنذير=حتى جعلت الورع من قومي يورد لجمله

سيفي على العدوان قاسي معدن وحده شطير=بس الخوي مالي سوا ارويه والله بعمله

الله الله عليك يامحمد وصح الله السانك مبدع كالعاده
ودي وتقديري

صح الله لساااااااااانك

صحت الالسن
تم نقلها للقسم المناسب،

كلكم مبدعين

صح لسااانك مبدع كالعاده ... لك ودي ..