غيض من فيض

غيض من فيض

سود الليالي وجهة قلبي على كل اتجاه=والمشكله بيبان قلبي ضايعٍ مزلاجها
تاتي بضيم وهمها فالقلب ما حصل وزاه=الا بعد ما لاجته سود الليال ولاجها
يا ظلمة الدنيا على عين البخيل اللي عطاه=اقل من حب الذره وادق من لغاجها
قال المغني يوم غنى شيب عينه وا عناه=من ظرقةٍ حثة على خط القدم ثم ساجها
يا مخبل اللي من عزيز الجاه يتمنى عشاه=يومه عجز يوفي حقوقه ثم عجز باخراجها
كلا يغني يا عرب ويهيم ثم يتبع هواه=ويسير بدروب النجاه اللي عرف منهاجها
ولا يضيم اهل الوفى ولا يكثر من غثاه=ويكون للخلات لاجت من عزيز علاجها
يا اما كذا تاتي على التقدير في برد ودفاه=والا يرزمها ويطفي يوم قبس سراجها
هذي بعض لابيات من قلب الشريف اللي جفاه=نوم العوافي والحروف اتسورت بسياجها
اصبح يرددها على كل الخلايق من نقاه=يوم ارمشت له عينها ثم سلهمة بحجاجها
الهم في قلبي تكون يوم شرياني بزاه=والرايه اللي في ضميري بادرت بخلاجها
كن النحور اتهرقت والدم ما حصل وقاه=الا بنفسٍ عافت ارباب النفوس اسهاجها
غنا بها شاعر على الناموس والعفه جناه=ناصر عريب الساس ناموس العلا وابراجها

المصدر: الملتقى الجماهيري للشاعر محمد بن فطيس المري

أخوي في الله الشاعر ناصر الشريف

بيض الله وجهك وصح الله لسانك وسلم لنا يراعك يا خوي

والنعم فيك وفي ساسك أبيات قمة وشكرا لهذا الغيض من الفيض الذي عرفني ع قامة شعرية أجدها

فذه يا خوي كأول مصافحة لي بالنسبة لأشعارك وان شاء الله لي عودة قريبة للثناء ع الأبيات وصاحبها

استودعك الله الذي لا تضيع ودائعه إلى ذلك الحين لك خالص شكر وتقدير واحترام أختك في الله حروف من نور ..

روووووعه ناصر
الله يحفظك يارب

صح لسانك جزله من شاعر جزل

تسلم اخوي الغالي ناصر
قصيده في قمة الروعه تسلم يمناك والله يعطيك الصحه والعافيه